Juan 9:24

Ang Biblia 2011

Ug sa ikaduhang higayon gitawag nila ang tawo nga kaniadto buta ug miingon sila kaniya, “Ang Dios maoy dayega. Kami nahibalo nga kadtong tawhana usa ka makasasala.”

Cross References

Esdras 10:11

Busa karon paghimo ug pagsugid ngadto sa Ginoo, ang Dios sa inyong mga katigulangan, ug buhata ang iyang pagbuot ug bulag kamo gikan sa katawhan sa yuta ug gikan sa langyaw nga mga asawa.”

Isaias 66:5

Pamatia ang pulong sa Ginoo, kamo nga nagkurog tungod sa iyang pulong: “Ang inyong kaigsoonan nga nagdumot kaninyo, ug nagsalikway kaninyo tungod sa akong ngalan nag-ingon, ‘Ipahimaya ang Ginoo, aron makita namo ang inyong kalipay’; apan sila mao ang pakaulawan.

Marcos 15:27

Ug uban kaniya dihay duha ka tulisan nga ilang gipanglansang sa krus, ang usa sa iyang tuo ug usa sa iyang wala.

Lucas 15:2

Ug ang mga Pariseo ug mga eskriba nagbagulbol nga nag-ingon, “Kining tawhana nag-abiabi sa mga makasasala ug mikaon uban kanila.”

Lucas 19:7

Ug ang tanan nga nakakita niini nagbagulbol nga nag-ingon, “Misulod siya ingon nga dinapit sa balay sa usa ka tawong makasasala.”

Lucas 7:39

Sa pagkakita niini sa Pariseo nga nagdapit kaniya, siya misulti sa iyang kaugalingon, “Kon propeta pa kining tawhana, mahibalo unta siya kon kinsa ug unsang matanga sa pagkababaye ang mihikap kaniya, kay kini siya makasasala man.”

Juan 14:30

Dili na ako magdaghan pa ug sulti kaninyo, kay moabot na ang pangulo niining kalibotana. Wala siyay gahom ibabaw kanako;

Juan 16:2

Hinginlan kamo nila gikan sa mga sinagoga. Sa pagkatinuod, ang panahon moabot nga ang mopatay kaninyo maghunahuna nga siya naghalad ug pagsimba sa Dios.

Juan 18:30

Sila mitubag ug miingon kaniya, “Kon kining tawhana dili pa tigbuhat ug daotan, wala unta namo siya itugyan kanimo.”

Juan 19:6

Sa pagkakita sa mga pangulong pari ug sa mga tinugyanan kaniya, sila naninggit nga nag-ingon, “Ilansang siya sa krus! Ilansang siya sa krus!” Si Pilato miingon kanila, “Kuhaa ninyo siya ug ilansang sa krus, kay wala akoy nakitang sala diha kaniya.”

Juan 5:23

aron ang tanang tawo magpasidungog sa Anak sama sa ilang pagpasidungog sa Amahan. Ang wala magpasidungog sa Anak wala magpasidungog sa Amahan nga mao ang nagpadala kaniya.

Juan 8:46

Kinsa man kaninyo ang makapamatuod nga ako sad-an? Kay ako nagsulti sa kamatuoran, nganong dili man kamo motuo kanako?

Juan 8:49

Si Jesus mitubag, “Ako wala demonyohi, hinuon nagpasidungog ako sa akong Amahan ug kamo nagpakaulaw kanako.

Juan 9:16

Pipila sa mga Pariseo miingon, “Kining tawhana dili gikan sa Dios kay wala siya magtamod sa adlaw nga igpapahulay.” Apan ang uban miingon, “Unsaon man sa usa ka tawong makasasala ang paghimo ug mga milagro nga sama niini?” Ug may panagsumpaki diha kanila.

Juan 9:25

Siya mitubag nga nag-ingon, “Ako wala mahibalo kon siya makasasala ba. Usa ka butang ang akong nahibaloan, kaniadto ako buta apan karon makakita na.”

Roma 8:3

Kay ang wala mahimo sa Balaod nga nahuyang tungod sa unod gihimo sa Dios pinaagi sa pagpadala niya sa kaugalingon niyang Anak diha sa dagway sa makasasala nga tawo ug mahitungod sa sala, gisilotan niya ang sala diha sa unod,

2 Mga Taga-Corinto 5:21

Tungod kanato si Cristo nga wala makasinati ug sala gihimo niya nga sala, aron diha kang Cristo mahimo kitang pagkamatarong sa Dios.

Josue 7:19

Unya si Josue miingon kang Acan, “Anak ko, ihatag ang himaya sa Ginoo, ang Dios sa Israel ug dayega siya. Ug sultihi ako karon kon unsay imong nabuhat; ayaw kini itago kanako.”

Gipadayag 11:13

Ug niadtong tungora dihay usa ka dakong linog, ug ang ikanapulong bahin sa siyudad nagun-ob, pito ka libo ka tawo ang nangamatay sa linog, ug ang nahibilin nangalisang ug mihatag ug himaya ngadto sa Dios sa langit.