Juan 8:53

Ang Biblia 2011

Labaw ka pa ba diay sa among amahan nga si Abraham nga namatay? Ug ang mga propeta nangamatay usab! Nagpakakinsa ka man diay?”

Cross References

Isaias 9:6

Kay alang kanato ang usa ka bata natawo, alang kanato ang usa ka anak nga lalaki gihatag, ug ang kagamhanan ipahiluna sa iyang abaga, ug ang iyang ngalan tawgon ug “Kahibulongang Magtatambag, Dios nga Makagagahom, Amahan nga Walay Kataposan, Prinsipe sa Pakigdait.”

Mateo 12:6

Apan sultihan ko kamo, nga aniay usa nga labaw pa kay sa Templo.

Mateo 3:9

ug ayaw kamo panghambog sa pag-ingon sa inyong kaugalingon, ‘Si Abraham mao ang among amahan’, kay sultihan ko kamo nga ang Dios makahimo sa pagpabarog ug mga anak alang kang Abraham gikan niining mga bato.

Juan 10:33

Ang mga Judio mitubag kaniya, “Batoon ikaw namo dili tungod sa imong pagbuhat ug maayo kondili tungod sa imong pagpasipala batok sa Dios kay ikaw nga tawo lamang nagpaka-Dios.”

Juan 12:34

Ug ang panon sa katawhan mitubag kaniya, “Nakadungog kami gikan sa Balaod nga ang Cristo magpabilin hangtod sa kahangtoran. Busa unsaon man nimo sa pag-ingon nga kinahanglang iisa ang Anak sa Tawo? Kinsa man kining Anak sa Tawo?”

Juan 19:7

Ang mga Judio mitubag kaniya, “Kami adunay balaod, ug sumala sa maong balaod kinahanglan siyang patyon kay siya naghimo sa iyang kaugalingon nga Anak sa Dios.”

Juan 4:12

Labaw pa ba ikaw sa among ginikanan nga si Jacob nga maoy naghatag kanamo niining atabay, ug nga gikan niini miinom siya ug ang iyang mga anak ug ang iyang mga hayop?”

Juan 5:18

Ug mao kini ang hinungdan ngano nga misamot pa ang tinguha sa mga Judio sa pagpatay kaniya, dili lamang tungod kay gilapas niya ang adlaw nga igpapahulay, kondili tungod usab kay ang Dios iya mang gitawag nga iyang Amahan, ug tungod niini iyang gihimong tupong sa Dios ang iyang kaugalingon.

Juan 8:58

Si Jesus miingon kanila, “Sa pagkatinuod gayod, mag-ingon ako kaninyo, nga sa wala pa si Abraham, mao na ako.”

Roma 9:5

ila ang mga patriarka ug gikan kanila ang Cristo sumala sa unod. Ang Dios nga labaw sa tanan dalaygon hangtod sa kahangtoran. Amen.