Juan 8:48

Ang Biblia 2011

Ang mga Judio mitubag nga nag-ingon kaniya, “Dili ba nagsulti man kami sa husto nga ikaw usa ka Samarianhon ug gidemonyohan?”

Cross References

Isaias 49:7

Mao kini ang giingon sa Ginoo, ang Manunubos sa Israel ug ang iyang Balaan, kaniya nga gitamay pag-ayo, gikayugtan sa mga nasod, usa ka sulugoon sa mga pangulo, “Ang mga hari makakita ug manindog, mga pangulo, ug sila mangyukbo, tungod sa Ginoo nga matinumanon, ang Balaan sa Israel nga maoy nagpili kanimo.”

Isaias 53:3

Siya gitamay ug gisalikway sa mga tawo; usa ka tawo sa mga kasub-anan, ug sinati sa kasakitan, ug ingon sa usa ka tawo nga ang mga tawo magtago sa ilang nawong gikan kaniya, siya gibiaybiay ug siya wala nato hatagi ug bili.

Mateo 10:25

Igo na alang sa tinun-an nga mahisama sa iyang magtutudlo ug sa ulipon nga mahisama sa iyang agalon. Kon ang pangulo sa panimalay ilang ginganlan ug Beelzebul, unsa pa kaha ka ngil-ad sa ilang ingalan sa mga sakop sa iyang panimalay!

Mateo 10:5

Unya kining napulo ug duha gipalakaw ni Jesus human sila matugon niya nga nag-ingon, “Ayaw kamo pag-adto sa dapit sa mga Gentil ug ayaw kamo pagsulod sa mga lungsod sa Samaria

Mateo 11:18

Kay si Juan mianhi nga wala magkaon o mag-inom, apan sila nag-ingon, ‘Kana siya gidemonyohan!’

Mateo 12:24

Apan ang mga Pariseo nga nakadungog niini miingon, “Kining tawhana nagpagula sa mga demonyo pinaagi ra usab kang Beelzebul, ang pangulo sa mga demonyo.”

Mateo 12:31

Busa sultihan ko kamo nga ang tanang sala ug pagpasipala sa tawo mapasaylo, apan ang pagpasipala batok sa Espiritu dili gayod mapasaylo.

Mateo 15:7

Tigpakaaron-ingnon! Pagkaayo gayong pagkapropesiya ni Isaias mahitungod kaninyo sa iyang pag-ingon,

Juan 1:19

Ug mao kini ang pamatuod ni Juan sa diha nga gipadala ngadto kaniya sa mga Judio ang mga pari ug mga Levihanon gikan sa Jerusalem aron sa pagpangutana kaniya, “Kinsa man ikaw?”

Juan 10:20

Daghan kanila ang nag-ingon, “Kini siya gidemonyohan ug nabuang. Nganong mamati man kamo kaniya?”

Juan 13:13

Nagtawag kamo kanako nga Magtutudlo ug Ginoo ug husto kamo kay mao man kana ako.

Juan 4:9

Ang babayeng Samarianhon miingon kaniya, “Naunsa ba nga ikaw nga usa ka Judio nangayo ug mainom gikan kanako nga usa ka babayeng Samarianhon?” Tungod kay ang mga Judio dili makigsandurot sa mga Samarianhon.

Juan 7:20

Ang katawhan mitubag, “Gisudlan ka ug demonyo! Kinsa bay nagtinguha sa pagpatay kanimo?”

Juan 8:22

Unya ang mga Judio miingon, “Patyon ba kaha niya ang iyang kaugalingon, kay nag-ingon man siya, ‘Asa ako padulong, dili kamo makaadto’?”

Juan 8:52

Ug ang mga Judio miingon kaniya, “Karon nasuta na gayod namo nga ikaw gidemonyohan. Si Abraham namatay, ingon man ang mga propeta ug unya moingon ikaw, ‘Kon adunay magtuman sa akong pulong, siya dili gayod makatilaw ug kamatayon.’

Roma 15:3

Kay bisan si Cristo wala magpahimuot sa iyang kaugalingon, hinuon, sumala sa nasulat, “Ang mga pagbugalbugal sa mga nagbugalbugal kanimo nahan-ok kanako.”

Mga Hebreo 13:13

Busa mangadto kita kaniya sa gawas sa kampo, nga magpas-an sa mga pagtamay kaniya.

Santiago 2:19

Ikaw nagtuo nga ang Dios usa ra; husto ka. Bisan ang mga demonyo nagtuo ug nagkurog.