Juan 8:36

Ang Biblia 2011

Busa kon ang Anak maghimo kaninyong gawasnon mahimo gayod kamong gawasnon.

Cross References

Salmo 119:133

Pasunda ang akong mga lakang sa imong saad, ug ayaw itugot nga may bisan unsa nga kadaotan nga maggahom kanako.

Salmo 119:32

Ako modagan diha sa dalan sa imong kasugoan, sa diha nga imong padak-an ang akong pagpanabot!

Salmo 19:13

Pugngi ang imong sulugoon gikan sa mga sala nga tinuyo; dili unta kini maggahom ibabaw kanako! Unya mahimo akong dili masaway, ug walay kalabotan sa dakong kalapasan.

Isaias 61:1

Ang Espiritu sa Ginoong Dios ania kanako, tungod kay gidihogan ako sa Ginoo aron sa pagdala sa maayong balita ngadto sa mga sinakit; ako gipaanhi niya aron sa pagbugkos sa mga nadugmok nga kasingkasing, aron sa pagmantala sa kagawasan sa mga binihag, ug sa pag-abli sa bilanggoan alang sa mga ginapos;

Lucas 4:18

“Ang Espiritu sa Ginoo ania kanako, iya akong gidihogan aron sa pagwali sa Maayong Balita ngadto sa mga kabos. Gipadala niya ako aron sa pagpahibalo sa kagawasan alang sa mga binilanggo ug sa pagpahiuli sa panan-aw sa mga buta, sa paghatag ug kagawasan ngadto sa mga dinaogdaog,

Roma 8:2

Kay ang balaod sa Espiritu sa kinabuhi diha kang Cristo Jesus nagpalingkawas kanako gikan sa balaod sa sala ug sa kamatayon.

1 Mga Taga-Corinto 7:22

Kay ang ulipon nga gitawag diha sa Ginoo, tawong gawasnon sa Ginoo. Sama nga ang tawong gawasnon sa panahon nga siya gitawag, ulipon ni Cristo.

2 Mga Taga-Corinto 3:17

Karon ang Ginoo mao ang Espiritu, ug asa gani ang Espiritu sa Ginoo, anaa usab ang kagawasan.

Mga Taga-Galacia 5:1

Alang sa kagawasan kita gipahigawas ni Cristo. Barog kamo nga lig-on ug ayaw na kamo pagpasangon pag-usab sa yugo sa pagkaulipon.