Juan 8:34

Ang Biblia 2011

Si Jesus mitubag kanila, “Sa pagkatinuod gayod, sultihan ko kamo nga ang tanan nga magpakasala ulipon sa sala.

Cross References

1 Mga Hari 21:25

Apan walay sama kang Ahab nga nagbaligya sa iyang kaugalingon sa pagbuhat ug daotan diha sa panan-aw sa Ginoo, nga gihulhogan ni Jesebel nga iyang asawa.

Mga Panultihon 5:22

Ang kasal-anan sa daotan nagbitik kaniya, ug siya nadakpan diha sa mga paghago sa iyang sala.

Mateo 5:18

Kay sa pagkatinuod, sultihan ko kamo, hangtod nga mahanaw ang langit ug ang yuta, wala gayoy bisan usa na lang ka kudlit o usa ka tulbok nga sayloan diha sa Balaod hangtod nga ang tanan matuman.

Juan 3:3

Si Jesus mitubag kaniya, “Sa pagkatinuod gayod, sultihan ko ikaw, gawas kon ang tawo ipakatawo pag-usab, dili siya makakita sa gingharian sa Dios.”

Mga Buhat 8:23

Kay nakita nako nga ikaw anaa sa kapaitan ug naulipon sa sala.”

Roma 6:12

Busa, ayaw ninyo paharia ang sala diha sa inyong may kamatayon nga lawas, aron patumanon sa mga pangibog niini.

Roma 6:16

Wala ba kamo masayod nga kon itugyan ninyo ang inyong kaugalingon ingon nga mga masinugtanong ulipon ngadto kang bisan kinsa, kamo mga ulipon niya nga inyong gituman, mahimong ngadto sa sala nga maghatod ngadto sa kamatayon o ngadto sa pagkamasinugtanon nga maghatod ngadto sa pagkamatarong?

Roma 6:6

Kita nasayod nga ang atong karaang pagkatawo gilansang sa krus uban kang Cristo aron malaglag ang lawas sa sala ug dili na kita maulipon sa sala.

Roma 7:14

Kay kita nahibalo nga ang Balaod espirituhanon apan ako unodnon, gibaligya ilalom sa sala.

Roma 7:25

Salamat sa Dios pinaagi kang Jesu-Cristo nga atong Ginoo! Busa pinaagi sa akong salabotan ako gayod nag-alagad sa balaod sa Dios apan diha sa akong lawas ako nag-alagad sa balaod sa sala.

Roma 8:21

aron nga ang kabuhatan gayod ipagawas unya gikan sa kaulipnan sa pagkadunot ngadto sa mahimayaong kagawasan sa mga anak sa Dios.

Mga Taga-Efeso 2:2

Kaniadto kamo nagkinabuhi sumala sa pamaagi niining kalibotana, sumala sa kagamhanan sa kahanginan, sa espiritu nga karon mao ang naglihok diha sa mga tawong masupilon.

Tito 3:3

Kay kaniadto kita usab mga walay kahibalo, mga masukihon, nahisalaag, nagpaulipon sa nagkalainlaing mga pangibog ug mga kahilayan, nagkinabuhi diha sa daotan ug kasina, gidumtan sa mga tawo ug nagdumtanay sa usa ug usa.

2 Pedro 2:19

Nagsaad sila kanila ug kagawasan, apan sila mga ulipon diay sa pagkadunot, kay ang tawo maulipon man sa bisan unsa nga nakabuntog kaniya.