Juan 8:33

Ang Biblia 2011

Sila mitubag kaniya. “Mga kaliwat kami ni Abraham ug wala gayod kami maulipon ni bisan kinsa. Ngano ba nga nakaingon ka man, ‘Mahimo kamong gawasnon’?”

Cross References

Genesis 15:13

Ug ang Ginoo miingon kang Abram, “Hibaloi gayod kini nga ang imong mga kaliwat mahimong dumuduong sa usa ka yuta nga dili ila ug sila mahimong mga ulipon didto ug sila daogdaogon sulod sa upat ka gatos ka tuig.

Esdras 9:9

Kay kami mga ulipon apan ang among Dios wala mobiya kanamo sa among pagkaulipon kondili naghatag kanamo sa iyang gugmang walay paglubad sa atubangan sa mga hari sa Persia, sa paghatag kanamo ug kadasig sa pagpatindog sa balay sa among Dios ug sa pag-ayo sa nangaguba niini ug sa paghatag kanamo ug usa ka paril sa Juda ug sa Jerusalem.

Levitico 25:42

Kay sila akong mga alagad nga akong gikuha gikan sa yuta sa Ehipto, sila dili ibaligya ingon nga mga ulipon.

Mateo 3:9

ug ayaw kamo panghambog sa pag-ingon sa inyong kaugalingon, ‘Si Abraham mao ang among amahan’, kay sultihan ko kamo nga ang Dios makahimo sa pagpabarog ug mga anak alang kang Abraham gikan niining mga bato.

Lucas 3:8

Pamunga hinuon kamo ug mga bunga nga angay sa paghinulsol; ug ayaw kamo pagsugod sa pag-ingon sa inyong kaugalingon, ‘Si Abraham among amahan,’ kay sultihan ko kamo nga ang Dios makahimo sa pagpatungha ug mga anak alang kang Abraham gikan niining mga bato.

Juan 19:25

Busa mao kini ang gibuhat sa mga sundalo. Apan sa duol sa krus ni Jesus nagtindog ang iyang inahan, ug ang igsoon nga babaye sa iyang inahan, ug si Maria nga asawa ni Clopas, ug si Maria Magdalena.

Juan 8:37

Nasayod ako nga kamo mga kaliwat ni Abraham apan nagtinguha kamo sa pagpatay kanako tungod kay ang akong pulong wala man makakaplag ug luna diha kaninyo.

Juan 8:39

Kaniya mitubag sila nga nag-ingon, “Si Abraham mao ang among amahan.” Si Jesus miingon kanila, “Kon mga anak pa kamo ni Abraham, magbuhat unta kamo sa gibuhat ni Abraham.

Juan 8:43

Nganong dili man kamo makasabot sa akong gisulti? Tungod kay kamo dili man makahimo pagpamati sa akong pulong.

Roma 9:7

ug dili ang tanan nga mga anak ni Abraham tinuod niyang mga kaliwat, kon dili “Pinaagi kang Isaac nganlan ang imong mga kaliwat.”

Mga Maghuhukom 2:18

Sa diha nga ang Ginoo nagpatungha ug mga maghuhukom alang kanila, ang Ginoo nag-uban sa maghuhukom, ug siya nagluwas kanila gikan sa kamot sa ilang mga kaaway sa tanang mga adlaw sa maghuhukom, kay ang Ginoo natandog sa pagkaluoy kanila tungod sa ilang mga pag-agulo tungod sa mga nagdaogdaog ug nagpaantos kanila.

Mga Maghuhukom 3:8

Tungod niini ang kasuko sa Ginoo misilaob batok sa Israel ug iyang gibaligya sila ngadto sa kamot ni Cusan-risataim nga hari sa Mesopotamia. Ug ang katawhan sa Israel nag-alagad kang Cusan-risataim sulod sa walo ka tuig.

Mga Maghuhukom 4:3

Unya ang katawhan sa Israel nagpakitabang sa Ginoo, kay si Jabin adunay siyam ka gatos ka karwahi nga puthaw ug iyang gidaogdaog sa hilabihan gayod ang katawhan sa Israel sulod sa 20 ka tuig.