Juan 8:26

Ang Biblia 2011

Daghan ako ug isulti ug ihukom mahitungod kaninyo apan ang nagpadala kanako matuod ug ang akong nadungog gikan kaniya gipahayag nako ngadto sa kalibotan.”

Cross References

Juan 15:15

Dili na nako kamo tawgon nga mga ulipon, kay ang ulipon wala masayod sa gibuhat sa iyang agalon. Apan ako nagtawag kaninyo nga mga higala kay ang tanan nga nadungog nako gikan sa akong Amahan gipahibalo nako kaninyo.

Juan 16:12

“Daghan pa unta akog isulti kaninyo apan dili pa kamo makasugakod niini karon.

Juan 17:8

kay gihatag man nako kanila ang mga pulong nga imong gihatag kanako, ug gidawat nila kini ug nahibalo sila diha sa kamatuoran nga ako gikan kanimo ug sila nagtuo nga ikaw ang nagpadala kanako.

Juan 18:20

Si Jesus mitubag kaniya, “Nagsulti ako sa dayag ngadto sa kalibotan. Kanunay akong nagtudlo sulod sa mga sinagoga ug sa Templo diin adto magtigoman ang tanang mga Judio. Wala akoy gisulti sa tago.

Juan 3:11

Sa pagkatinuod gayod, sultihan ko ikaw nga kami nagsulti sa among nahibaloan ug nagpamatuod sa among nakita apan kamo wala modawat sa among pagpamatuod.

Juan 7:16

Ug si Jesus mitubag kanila, “Ang akong gitudlo dili akoa, kondili iya sa nagpadala kanako.

Juan 7:28

Tungod niini, misinggit si Jesus diha sa iyang pagpanudlo sulod sa Templo ug miingon, “Nakaila kamo kanako, ug nasayod kamo diin ako gikan. Apan wala ako moanhi sa akong kaugalingong pagbuot. Siya nga nagpadala kanako tinuod apan kamo wala makaila kaniya.

Juan 8:25

Ug sila nangutana kaniya, “Kinsa man diay ikaw?” Si Jesus miingon kanila, “Ako nakasugilon na kaninyo sukad pa sa sinugdan.

Juan 8:27

Wala sila makasabot nga siya nagsulti kanila mahitungod sa Amahan.

Juan 8:40

Apan karon nagtinguha kamo sa pagpatay kanako, ang tawo nga nagsugilon kaninyo sa kamatuoran nga akong nadungog gikan sa Dios. Wala magbuhat niini si Abraham.

2 Mga Taga-Corinto 1:18

Ingon nga ang Dios kasaligan, ang among pulong kaninyo dili “Oo” ug unya “Dili.”