Juan 8:22

Ang Biblia 2011

Unya ang mga Judio miingon, “Patyon ba kaha niya ang iyang kaugalingon, kay nag-ingon man siya, ‘Asa ako padulong, dili kamo makaadto’?”

Cross References

Salmo 123:4

Dugay na kaayo nga ang among kalag napuno na sa mga pagyubit niadtong anaa sa kasayon, sa pagtamay sa mga mapahitas-on.

Salmo 22:6

Apan ako usa ka ulod, ug dili tawo; giyubit sa mga tawo, ug tinamay sa katawhan.

Salmo 31:18

Mahimo unta nga amang ang mga ngabil nga bakakon, nga nagsulti ug panamastamas batok sa matarong uban sa garbo ug pagtamay.

Juan 1:19

Ug mao kini ang pamatuod ni Juan sa diha nga gipadala ngadto kaniya sa mga Judio ang mga pari ug mga Levihanon gikan sa Jerusalem aron sa pagpangutana kaniya, “Kinsa man ikaw?”

Juan 10:20

Daghan kanila ang nag-ingon, “Kini siya gidemonyohan ug nabuang. Nganong mamati man kamo kaniya?”

Juan 7:20

Ang katawhan mitubag, “Gisudlan ka ug demonyo! Kinsa bay nagtinguha sa pagpatay kanimo?”

Juan 7:35

Ug ang mga Judio nag-ingon sa usa ug usa, “Asa man kaha siya buot moadto nga dili man kuno kita makakaplag kaniya? Buot ba siyang moadto sa mga Judio nga nagkatibulaag taliwala sa mga Grego ug manudlo sa mga Grego?

Juan 8:48

Ang mga Judio mitubag nga nag-ingon kaniya, “Dili ba nagsulti man kami sa husto nga ikaw usa ka Samarianhon ug gidemonyohan?”

Juan 8:52

Ug ang mga Judio miingon kaniya, “Karon nasuta na gayod namo nga ikaw gidemonyohan. Si Abraham namatay, ingon man ang mga propeta ug unya moingon ikaw, ‘Kon adunay magtuman sa akong pulong, siya dili gayod makatilaw ug kamatayon.’

Mga Hebreo 12:3

Hunahunaa siya nga miantos sa maong pagsupak sa mga makasasala batok kaniya, aron dili kamo maluya o mawad-an ug paglaom.

Mga Hebreo 13:13

Busa mangadto kita kaniya sa gawas sa kampo, nga magpas-an sa mga pagtamay kaniya.