Juan 8:2

Ang Biblia 2011

Ug sa pagkabuntag, siya miadto na usab sa Templo. Ug ang tanang tawo nangadto kaniya ug siya milingkod ug gitudloan niya sila.

Cross References

Ecclesiastes 9:10

Bisan unsa nga makaplagan nga buhat sa imong kamot, buhata kana uban ang imong kusog; kay didto sa Sheol diin ikaw moadto walay buluhaton, o paghunahuna, o kahibalo o kaalam.

Jeremias 25:3

“Sulod sa 23 ka tuig gikan sa ikanapulo ug tulo nga tuig ni Josias nga anak ni Amon, ang hari sa Juda, hangtod niining adlawa, ang pulong sa Ginoo midangat kanako, ako kanunayng nagsulti kaninyo, apan wala kamo mamati.

Jeremias 32:33

Ilang gipaatubang kanako ang ilang likod ug dili ang ilang nawong, ug bisan kon nagpadayon ako sa pagtudlo kanila, wala sila mamati aron sa pagdawat sa pahimangno.

Jeremias 44:4

Bisan pa niana nagpadayon ako sa pagpadala kaninyo sa tanan nakong mga alagad nga mga propeta, sa pag-ingon, ‘Ayaw buhata kining dulomtanan nga butang nga akong gidumtan!’

Mateo 26:55

Ug niadtong tungora si Jesus miingon sa panon sa katawhan, “Nanganhi ba kamo nga daw batok ug usa ka tulisan, nga magdala man kamo ug mga espada ug mga puspos? Adlaw adlaw akong maglingkod didto sa Templo nga nagtudlo ug wala ninyo ako dakpa didto.

Lucas 21:37

Ug sa matag-adlaw nagtudlo siya sulod sa templo, apan sa gabii molakaw siya aron sa pagpahulay diha sa bungtod nga ginganlan ug Olibo.

Lucas 21:38

Ug ang tanang mga tawo sayong mangadto kaniya sulod sa templo aron sa pagpamati kaniya.

Lucas 4:20

Unya iyang gilukot ang basahon ug giuli kini ngadto sa piniyalan ug milingkod siya. Ug ang mga mata sa tanan nga diha sa sinagoga mitutok ngadto kaniya.

Lucas 5:3

Sa pagsakay niya sa usa sa mga sakayan nga iya ni Simon, mihangyo siya kaniya sa pagtulod niini ug diyotay gikan sa mamala. Ug siya milingkod ug nagtudlo sa mga tawo gikan sa sakayan.

Juan 4:34

Si Jesus miingon kanila, “Ang akong pagkaon mao ang pagbuhat sa kabubut-on sa nagpadala kanako ug ang pagtapos sa iyang buluhaton.

Juan 8:20

Kining mga pulonga gisulti ni Jesus didto sa panudlanan sa salapi nga hinalad samtang nagtudlo siya sulod sa Templo. Apan walay midakop kaniya kay wala pa man moabot ang iyang takna.

Juan 8:3

Unya ang mga eskriba ug mga Pariseo nagdala ug usa ka babaye nga nasakpan nga nanapaw. Ug ilang gipatindog siya sa taliwala

Mga Buhat 5:21

Sa pagkadungog nila niini, sila misulod sa Templo sa pagkakaadlawon ug nanudlo. Unya miabot ang labawng pangulong pari ug ang mga kauban niya ug ilang gipatawag ang Sanhedrin ug ang tibuok kadagkoan sa Israel ug nagsugo sila ngadto sa bilanggoan aron sa pagkuha sa mga apostoles.