Juan 8:17

Ang Biblia 2011

Nasulat diha sa inyong Balaod nga ang pagpamatuod sa duha ka tawo tinuod gayod.

Cross References

1 Mga Hari 21:10

ug pagbutang ug duha ka daotang tawo atbang kaniya ug papasakaa sila ug sumbong batok kaniya nga mag-ingon, ‘Ikaw nagtunglo sa Dios ug sa hari.’ Unya dad-a siya sa gawas ug batoa siya hangtod mamatay.”

Numeros 35:30

Si bisan kinsa nga makapatay ug tawo, ang mamumuno patyon tungod sa pagpamatuod sa mga saksi, apan walay tawo nga patyon sa pagpamatuod sa usa ka saksi.

Mateo 18:16

Apan kon dili siya maminaw kanimo, pagdala ug usa o duha ka tawo uban kanimo, aron nga pinaagi sa pagpamatuod sa duha o tulo ka saksi malig-on ang matag pulong.

Juan 10:34

Mitubag si Jesus kanila, “Dili ba nasulat man kini sa inyong Balaod, ‘Ako nag-ingon, Mga dios kamo’?

Juan 15:25

Kini aron matuman ang pulong nga nasulat sa ilang balaod, ‘Nagdumot sila kanako sa walay hinungdan.’

2 Mga Taga-Corinto 13:1

Kini karon ang ikatulong higayon nga ako moanha kaninyo. Ang bisan unsa nga sumbong kinahanglang paluyohan sa pamatuod sa duha o tulo ka mga saksi.

Mga Taga-Galacia 3:24

Busa ang Balaod nahimong atong tig-atiman hangtod kang Cristo, aron nga kita himoong matarong pinasikad sa pagtuo.

Mga Taga-Galacia 4:21

Sultihi ako, kamo nga buot magpailalom sa Balaod, wala ba kamo makabati sa Balaod?

Deuteronomio 17:6

Tungod sa pagpamatuod sa duha ka saksi o sa tulo ka saksi, siya nga patyonon kinahanglang patyon. Ang tawo dili patyon pinaagi sa pagpamatuod sa usa lamang ka saksi.

Deuteronomio 19:15

“Dili modaog ang usa lamang ka saksi batok sa usa ka tawo tungod sa bisan unsa nga kalapasan o sa bisan unsang kasaypanan labot sa bisan unsang sala nga nabuhat niya; sa pagpamatuod lamang sa duha ka saksi o sa tulo ka saksi mapadayon ang sumbong.

Mga Hebreo 10:28

Ang tawo nga makalapas sa Balaod ni Moises patyon sa walay kukaluoy pinasikad sa pagpamatuod sa duha o tulo ka saksi.

1 Juan 5:9

Kon ang pamatuod gikan sa mga tawo gidawat nato, ang pamatuod nga gikan sa Dios labaw pa niini kay ang pamatuod sa Dios mao kini, nga siya nakapamatuod na mahitungod sa iyang Anak.

Gipadayag 11:3

Ug ang akong duha ka saksi nga nagsul-ob ug mga bisti nga sako, hatagan nako ug kagahom sa pagpropesiya sulod sa 1,260 ka adlaw.”