Juan 8:12

Ang Biblia 2011

Unya misulti pag-usab si Jesus kanila nga nag-ingon, “Ako mao ang kahayag sa kalibotan. Siya nga magsunod kanako dili gayod maglakaw sa kangitngit, hinuon makabaton siya sa kahayag sa kinabuhi.”

Cross References

Job 33:28

Iyang giluwas ang akong kalag gikan sa pagkahulog sa Gahong, ang akong kinabuhi makakita sa kahayag.’

Salmo 18:28

Ikaw nagdagkot sa akong suga; ang Ginoo nga akong Dios nagdan-ag sa akong kangitngit.

Salmo 49:19

siya moadto sa kaliwatan sa iyang katigulangan, sila nga dili na gayod makakita sa kahayag.

Salmo 97:11

Ang kahayag gipadan-ag alang sa mga matarong, ug ang kalipay alang sa mga ligdong ug kasingkasing.

Isaias 49:6

siya miingon, “Gaan ra kaayo nga butang nga ikaw mahimong akong sulugoon aron sa pagbangon sa mga banay ni Jacob, ug sa pagpabalik sa salin sa Israel; ako maghatag kanimo ngadto sa kanasoran ingon nga suga, aron ang akong kaluwasan moabot ngadto sa kinatumyan sa yuta.”

Isaias 50:10

Kinsa ba kaninyo ang adunay kahadlok sa Ginoo ug nagtuman sa tingog sa iyang sulugoon, nga naglakaw diha sa kangitngit ug walay kahayag, apan nagsalig diha sa ngalan sa Ginoo ug naglaom diha sa iyang Dios?

Isaias 9:2

Ang katawhan nga naglakaw sa kangitngit nakakita ug usa ka dakong kahayag, kadtong nagpuyo diha sa yuta nga hilabihan kangitngit, sa ibabaw nila misidlak ang kahayag.

Oseas 6:3

Hibaloan nato, ug padayonon nato ang pag-ila sa Ginoo, ang iyang paggula siguro gayod sama sa kaadlawon, siya moanhi kanato sama sa ulan, sama sa ulahing ulan nga nagbisibis sa yuta.”

Malaquias 4:2

Apan kaninyo nga may kahadlok sa akong ngalan, ang adlaw sa pagkamatarong mosubang nga nagdala ug kaayohan sa iyang mga pako. Kamo manggula nga magluksolukso sama sa mga nating baka sa toril.

Mateo 5:14

“Kamo mao ang kahayag sa kalibotan. Ang siyudad nga mahimutang sa ibabaw sa bungtod dili gayod matago.

Lucas 2:32

usa ka kahayag alang sa pagpadayag ngadto sa mga Gentil ug sa himaya alang sa imong katawhan, ang Israel.”

Juan 12:35

Si Jesus miingon kanila, “Ang kahayag anaa pa uban kaninyo sa mubo nga panahon. Panglakaw kamo samtang anaa pa kaninyo ang kahayag, kay tingali unya ug maapsan kamo sa kangitngit. Siya nga maglakaw sa kangitngit dili mahibalo kon asa siya padulong.

Juan 12:36

Samtang anaa pa kaninyo ang kahayag, salig kamo sa kahayag aron mahimo kamong mga anak sa kahayag.” Sa nakasulti na si Jesus niini, siya mibiya ug mitago gikan kanila.

Juan 12:46

Ako mianhi sa kalibotan ingon nga kahayag aron ang tanan nga motuo kanako dili na magpabilin sa kangitngit.

Juan 14:6

Si Jesus mitubag kaniya, “Ako mao ang dalan ug ang kamatuoran ug ang kinabuhi, walay si bisan kinsa nga makaadto sa Amahan, kon dili pinaagi kanako.

Juan 3:19

Ug ang hukom mao kini, nga ang kahayag mianhi sa kalibotan apan ang kangitngit maoy gihigugma sa mga tawo labaw kay sa kahayag kay daotan man ang ilang mga binuhatan.

Juan 7:17

Kon buot ni bisan kinsa ang pagbuhat sa kabubut-on sa Dios, kinahanglang mahibaloan niya kon ang gitudlo gikan ba sa Dios o nagsulti ba lamang ako gikan sa akong kaugalingon.

Juan 9:5

Samtang ania ako sa kalibotan, ako mao ang kahayag alang sa kalibotan.”

Mga Buhat 13:47

Kay sa ingon niini gisugo kami sa Ginoo nga nag-ingon, ‘Gipahimutang ko ikaw nga kahayag sa mga Gentil, aron dad-on nimo ang kaluwasan hangtod sa kinatumyan sa yuta.’ ”

Mga Buhat 26:23

nga ang Cristo kinahanglang mag-antos, ug ingon nga una nga mabanhaw gikan sa mga patay, siya magsangyaw sa kahayag ngadto sa mga tawo ug sa mga Gentil.”

2 Pedro 2:17

Kini sila mga tuboran nga walay tubig ug mga panganod nga gipalid sa unos. Gitagana alang kanila ang kangiob sa kangitngit.

2 Pedro 2:4

Kay kon ang mga anghel wala saylo-i sa Dios sa diha nga nakasala sila, apan gitambog hinuon sila ngadto sa imperno ug gibalhog ngadto sa mga lungib sa kangitngit ug gitagana hangtod sa pagpanghukom,

1 Juan 1:6

Kon kita mag-ingon nga may pakig-ambitay kita uban kaniya apan naglakaw kita diha sa kangitngit, namakak kita ug wala magsubay sa kamatuoran.

Judas 1:13

Kini sila bangis nga mga balod sa dagat nga nagpabula sa ilang kaugalingong kaulawan; mga laag nga mga bituon nga ang kangiob sa kangitngit gitagana hangtod sa kahangtoran.

Judas 1:6

Ug ang mga anghel nga wala magpabilin diha sa ilang dapit apan namiya sa ilang kaugalingong puluy-anan, gigapos niya sa mga kadena nga walay kataposan diha sa kangitngit alang sa dakong adlaw sa paghukom.

Gipadayag 21:24

Pinaagi sa kahayag sa siyudad manglakaw ang mga nasod, ug ang mga hari sa kalibotan magdala sa ilang himaya ngadto niini,