Juan 7:4

Ang Biblia 2011

Kay walay tawo nga magbuhat sa tago kon mao may iyang tinguha nga ilhon siya sa dayag. Kon buhaton man nimo kining mga butanga, ipadayag ang imong kaugalingon ngadto sa kalibotan.”

Cross References

1 Mga Hari 22:13

Ug ang sulugoon nga miadto aron sa pagtawag kang Micaias misulti kaniya, “Tan-awa, ang mga pulong sa mga propeta naghiusa sa pagpadayag sa maayo alang sa hari. Ako naghangyo kanimo, himoa nga ang imong pulong sama sa pulong sa usa kanila ug magsulti ikaw ug maayo.”

Mateo 23:5

Apan ang tanan nilang buhat gihimo aron lamang sa pagpasundayag ngadto sa mga tawo kay gipadak-an nila ang ilang mga pilakterya diha sa ilang ulo ug bukton ug gipatas-an nila ang ilang mga borlas sa sidsid sa ilang mga bisti.

Mateo 4:6

ug giingnan, “Kon ikaw Anak sa Dios, ambak ngadto sa ubos kay nasulat kini, ‘Magsugo siya sa iyang mga anghel mahitungod nimo,’ ug ‘Sa ilang mga kamot sapnayon ikaw nila, aron ang imong mga tiil dili maigo sa bato.’ ”

Mateo 6:16

“Ug sa dihang magpuasa kamo, ayaw pagpakita nga nasubo kamo, sama sa mga tigpakaaron-ingnon kay gipasagdan nila nga nagkagidlay ang ilang mga nawong aron ang mga tawo makakita kanila nga nagpuasa. Sa pagkatinuod, sultihan ko kamo nga sila nakadawat na sa ilang ganti.

Mateo 6:5

“Ug sa dihang mag-ampo kamo, ayaw kamo pagsundog sa mga tigpakaaron-ingnon kay sila nahigugmang mag-ampo nga magtindog sa sulod sa mga sinagoga ug diha sa mga likoanan sa kadalanan aron makita sila sa mga tawo. Sa pagkatinuod, sultihan ko kamo nga sila nakadawat na sa ilang ganti.

Lucas 6:45

Ang maayong tawo gikan sa maayong bahandi sa iyang kasingkasing magpagula ug maayo, apan ang daotang tawo gikan sa iyang daotang bahandi magpagula ug daotan. Kay gikan sa kapuno sa kasingkasing mosulti ang iyang baba.

Juan 18:20

Si Jesus mitubag kaniya, “Nagsulti ako sa dayag ngadto sa kalibotan. Kanunay akong nagtudlo sulod sa mga sinagoga ug sa Templo diin adto magtigoman ang tanang mga Judio. Wala akoy gisulti sa tago.

Juan 7:3

Ug ang iyang mga igsoong lalaki miingon kaniya, “Biya dinhi ug adto sa Judea aron ang imong mga tinun-an makakita sa mga buhat nga imong gihimo.

Juan 7:5

Kay bisan ang iyang mga igsoon wala man motuo kaniya.