Juan 7:39

Ang Biblia 2011

Ug siya nagsulti niini mahitungod sa Espiritu nga dawaton sa mga nagtuo kaniya kay ang Espiritu wala pa man ikahatag, kay niadtong tungora si Jesus wala pa man himayaa.

Cross References

Salmo 68:18

Ikaw miadto sa itaas, mipagula sa mga binihag, nagdawat ka ug mga gasa gikan sa mga tawo, bisan gikan sa mga masinupakon, aron ang Ginoo nga Dios magpuyo uban kanila.

Mga Panultihon 1:23

Tagda ang akong pagbadlong; tan-awa, ibubo nako ang akong espiritu kaninyo; akong ipahibalo ang akong mga pulong nganha kaninyo.

Isaias 12:3

Busa uban ang kalipay, kamo magtimba ug tubig gikan sa mga atabay sa kaluwasan.

Isaias 32:15

hangtod nga ang Espiritu ibubo ibabaw kanato gikan sa kahitas-an, ug ang kamingawan mahimong uma nga mabungahon, ug ang kapatagan nga mabungahon isipon nga usa ka lasang.

Isaias 44:3

Kay magbubo ako ug tubig diha sa giuhaw nga yuta, ug mga sapa diha sa uga nga yuta; ako magbubo sa akong Espiritu sa ibabaw sa imong kaliwatan, ug sa akong panalangin sa imong kaliwat.

Joel 2:28

“Unya mahitabo sa ulahi nga ibubo nako ang akong espiritu sa tanang tawo, ang inyong mga anak nga lalaki ug ang inyong mga anak nga babaye magpropesiya, ang inyong mga tigulang magdamgo ug mga damgo, ug ang inyong mga batan-ong lalaki makakita ug mga panan-awon.

Mateo 16:14

Ug sila miingon, “Ang uban nag-ingon nga si Juan nga Tigbautismo, ang uban nag-ingon nga si Elias, ug ang uban, si Jeremias o usa sa mga propeta.”

Mateo 21:11

Ug ang mga panon sa katawhan miingon, “Mao kini ang propeta nga si Jesus gikan sa Nazaret sa Galilea.”

Lucas 24:49

Ug tan-awa, ipadala nako ang saad sa akong Amahan kaninyo, apan pabilin kamo sa siyudad hangtod nga masul-oban na kamo ug gahom gikan sa kahitas-an.”

Lucas 3:16

mitubag si Juan kanilang tanan nga nag-ingon, “Ako nagbautismo kaninyo sa tubig, apan moabot ang labaw pang gamhanan kay kanako nga bisan gani sa higot sa iyang mga sandalyas dili ako takos sa paghubad. Magbautismo siya kaninyo sa Espiritu Santo ug sa kalayo.

Lucas 7:16

Silang tanan nahadlok pag-ayo ug ilang gidayeg ang Dios nga nag-ingon, “Usa ka bantogang propeta ang mitungha sa atong taliwala!” ug, “Ang Dios miduaw sa iyang katawhan!”

Juan 1:21

Ug sila nangutana kaniya, “Unsa man diay ikaw? Ikaw ba si Elias?” Siya miingon, “Dili ako mao.” “Ikaw ba ang propeta?” Siya mitubag, “Dili.”

Juan 1:25

Sila nangutana kaniya, “Nganong namautismo man ikaw, nga dili man ikaw mao ang Cristo o si Elias o ang propeta?”

Juan 1:33

Apan ako gayod wala masayod mahitungod kaniya apan siya nga nagsugo kanako sa pagbautismo pinaagi sa tubig miingon kanako, ‘Siya nga imong makita nga kunsaran sa Espiritu ug magpabilin kaniya, mao kana siya ang magbautismo pinaagi sa Espiritu Santo.’

Juan 12:16

Sa sinugdan ang iyang mga tinun-an wala makasabot niini apan sa diha nga gihimaya na si Jesus, nahinumdom na sila nga kini nasulat mahitungod kaniya ug nga nahitabo kini ngadto kaniya.

Juan 12:23

Ug si Jesus mitubag kanila, “Ang takna miabot na nga himayaon na ang Anak sa Tawo.

Juan 14:13

Ug bisan unsay inyong pangayoon pinaagi sa akong ngalan, buhaton nako kini aron ang Amahan mapasidunggan diha sa Anak.

Juan 14:26

Apan ang Manlalaban, ang Espiritu Santo, nga sa akong ngalan ipadala sa Amahan, siya magtudlo kaninyo sa tanang butang ug magpahinumdom kaninyo sa tanan nga akong gisulti kaninyo.

Juan 16:14

Siya magpasidungog kanako, kay siya modawat man sa mga butang nga gikan kanako ug magsugilon niini kaninyo.

Juan 16:7

Apan sultihan ko kamo sa tinuod, makaayo alang kaninyo nga mobiya ako kay kon dili ako mobiya, ang Manlalaban dili moanha kaninyo. Apan kon mobiya ako, siya akong ipadala nganha kaninyo.

Juan 17:1

Kining mga butanga gisulti ni Jesus ug giyahat niya ang iyang mga mata ngadto sa langit ug miingon, “Amahan, ang takna miabot na. Pasidunggi ang imong Anak aron ang Anak makapasidungog kanimo,

Juan 17:5

Ug karon, Amahan, himayaa ako diha kanimo, sa himaya nga gihuptan nako kaniadto uban kanimo sa wala pa buhata ang kalibotan.

Juan 20:22

Ug sa nakasulti na siya niini, gihuypan niya sila sa iyang gininhawa ug miingon siya kanila, “Dawata ninyo ang Espiritu Santo.

Juan 6:14

Sa pagkakita sa mga tawo sa ilhanan nga iyang gibuhat, sila miingon, “Sa pagkatinuod kini siya mao gayod ang propeta nga moanhi sa kalibotan!”

Juan 7:12

Ug didtoy daghang mga tabi-tabi sa mga tawo mahitungod kaniya. Samtang ang uban nag-ingon, “Siya maayong tawo,” ang uban nag-ingon, “Dili, nagpahisalaag hinuon siya sa mga tawo.”

Juan 8:54

Si Jesus mitubag nga nag-ingon, “Kon ako mao pa ang nagpasidungog sa akong kaugalingon, walay bili ang maong kadungganan. Ang nagpasidungog kanako mao ang akong Amahan, ang inyong giingon nga mao ang inyong Dios.

Mga Buhat 19:2

Ug siya miingon kanila, “Nakadawat ba kamo sa Espiritu Santo sa diha nga mituo kamo?” Ug sila miingon kaniya, “Wala man gani kami makadungog nga aduna diay Espiritu Santo.”

Mga Buhat 2:17

‘Ug mahitabo sa kataposang mga adlaw, nag-ingon ang Dios, nga ako magbubo sa akong Espiritu ngadto sa tanang katawhan, ug ang inyong mga anak nga lalaki ug mga anak nga babaye magpropesiya, ug ang inyong mga batan-ong lalaki makakita ug mga panan-awon, ug ang inyong mga tigulang nga lalaki magdamgo ug mga damgo.

Mga Buhat 2:33

Busa ingon nga gituboy siya ngadto sa tuo sa Dios, ug nadawat niya gikan sa Amahan ang saad nga Espiritu Santo, siya mibubo niini. Ug kini inyong nakita ug nadungog.

Mga Buhat 2:38

Ug si Pedro mitubag kanila, “Paghinulsol kamo, ug pagpabautismo ang matag usa kaninyo sa ngalan ni Jesu-Cristo alang sa kapasayloan sa inyong mga sala, ug madawat ninyo ang gasa sa Espiritu Santo.

Mga Buhat 2:4

Ug silang tanan napuno sa Espiritu Santo ug misugod sa pagsulti sa laing mga pinulongan, sumala sa gipalitok kanila sa Espiritu.

Mga Buhat 3:13

Ang Dios ni Abraham ug ni Isaac ug ni Jacob, ang Dios sa atong katigulangan, nagpasidungog sa iyang alagad nga si Jesus, nga inyong gitugyan ug gilimod sa atubangan ni Pilato nga mihukom na unta sa pagbuhi kaniya.

Mga Buhat 4:31

Ug sa nakaampo na sila, nauyog ang dapit diin sila natigom ug silang tanan napuno sa Espiritu Santo ug nagsulti sa pulong sa Dios nga may kaisog.

Roma 8:9

Apan kamo wala na diha sa unod kondili anaa sa Espiritu, kon tinuod man nga ang Espiritu sa Dios nagpuyo diha kaninyo. Ang wala magbaton sa Espiritu ni Cristo dili iyaha.

2 Mga Taga-Corinto 3:8

dili ba nga mahimayaon pa ang pagpangalagad nga iya sa Espiritu?

Mga Taga-Efeso 4:30

Ug ayaw ninyo pasub-a ang Espiritu Santo sa Dios, nga pinaagi kaniya gipatikan kamo alang sa adlaw sa pagtubos.