Juan 7:35

Ang Biblia 2011

Ug ang mga Judio nag-ingon sa usa ug usa, “Asa man kaha siya buot moadto nga dili man kuno kita makakaplag kaniya? Buot ba siyang moadto sa mga Judio nga nagkatibulaag taliwala sa mga Grego ug manudlo sa mga Grego?

Cross References

Salmo 147:2

Ang Ginoo nagpatindog sa Jerusalem; gitigom niya ang mga sinalikway sa Israel.

Isaias 11:10

Nianang adlawa ang gamot ni Jesse magtindog ingon nga usa ka bandila sa mga katawhan. Kaniya mangita ang mga nasod, ug ang iyang puluy-anan mahimong mahimayaon.

Isaias 11:12

Siya magpatindog ug usa ka bandila alang sa mga nasod, ug magtigom sa hininginlan gikan sa Israel, ug tigomon ang nagkatibulaag sa Juda, gikan sa upat ka suok sa yuta.

Isaias 49:6

siya miingon, “Gaan ra kaayo nga butang nga ikaw mahimong akong sulugoon aron sa pagbangon sa mga banay ni Jacob, ug sa pagpabalik sa salin sa Israel; ako maghatag kanimo ngadto sa kanasoran ingon nga suga, aron ang akong kaluwasan moabot ngadto sa kinatumyan sa yuta.”

Isaias 56:8

Mao kini ang giingon sa Ginoong Dios, nga maoy nagtigom sa mga sinalikway sa Israel, Magtigom pa ako ug lain ngadto kaniya, gawas niadtong iyang tinigom.”

Sofonias 3:10

Gikan sa unahan sa suba sa Etiopia ang akong mga tigpangamuyo, ang anak nga babaye sa akong mga nagkatibulaag, magdala sa akong halad.

Mateo 12:21

ug sa iyang ngalan molaom ang mga Gentil.”

Lucas 2:32

usa ka kahayag alang sa pagpadayag ngadto sa mga Gentil ug sa himaya alang sa imong katawhan, ang Israel.”

Juan 12:20

Unya dihay pipila ka Grego sa mga nanungas aron sa pagsimba didto sa kasaulogan.

Juan 7:1

Unya human niini, si Jesus milibot didto sa Galilea ug dili siya buot moadto sa Judea kay ang mga Judio naninguha man sa pagpatay kaniya.

Juan 8:22

Unya ang mga Judio miingon, “Patyon ba kaha niya ang iyang kaugalingon, kay nag-ingon man siya, ‘Asa ako padulong, dili kamo makaadto’?”

Mga Buhat 11:18

Sa ilang pagkadungog niini, sila mihilom. Ug ang Dios ilang gidayeg nga nag-ingon, “Sa mga Gentil ang Dios naghatag usab ug paghinulsol ngadto sa kinabuhi.”

Mga Buhat 11:20

Apan dihay uban kanila, mga tawo nga taga-Cipro ug taga-Cirene nga sa ila nang pag-abot sa Antioquia, misulti usab ngadto sa mga Grego nga nagwali mahitungod sa Ginoong Jesus.

Mga Buhat 14:1

Unya didto sa Iconio sila nagkuyog sa pagsulod sa sinagoga sa mga Judio, ug misulti sila nga tungod niana mituo ang daghan kaayong mga tawo nga mga Judio ug mga Grego.

Mga Buhat 17:4

Ug ang uban kanila mituo ug miipon kang Pablo ug Silas, ingon man ang dakong pundok sa mga relihiyosong Grego ug daghan nga mga inilang babaye.

Mga Buhat 18:4

Ug sa matag adlaw nga igpapahulay siya nakiglantugi didto sa sinagoga ug nangabig sa mga Judio ug sa mga Grego.

Mga Buhat 21:21

Ug sila gisuginlan mahitungod kanimo nga ikaw nagtudlo sa tanang mga Judio nga nagpuyo uban sa mga Gentil sa pagbiya kang Moises ug sa dili na pagtuli sa ilang mga anak, o sa pagtuman sumala sa ilang mga nabatasan.

Mga Buhat 22:21

Unya siya miingon kanako, ‘Lakaw, kay paadtoon ko ikaw sa layo ngadto sa mga Gentil.’ ”

Roma 1:16

Kay dili nako ikaulaw ang Maayong Balita, kay kini mao ang gahom sa Dios alang sa kaluwasan sa matag usa nga nagtuo, ngadto sa Judio una sa tanan ug unya ngadto sa Grego usab.

Mga Taga-Efeso 3:8

Kanako, bisan tuod ug labing ubos sa tanang mga balaan, gihatag ang maong grasya aron akong iwali ngadto sa mga Gentil ang dili matugkad nga mga bahandi ni Cristo,

Mga Taga-Colosas 1:27

Mihukom ang Dios sa pagpaila ngadto kanila unsa ka dako sa himaya sa maong misteryo alang sa mga Gentil, nga si Cristo nga mao ang paglaom sa himaya anaa kaninyo.

1 Timoteo 2:7

Alang niini ako gitudlo nga magwawali ug apostol (ako nagsulti sa tinuod, wala ako magbakak), magtutudlo sa mga Gentil diha sa pagtuo ug sa kamatuoran.

2 Timoteo 1:11

Kay niining Maayong Balita ako gitudlo nga magwawali ug apostol ug magtutudlo,

Santiago 1:1

Si Santiago, ulipon sa Dios ug sa Ginoong Jesu-Cristo; Alang sa napulo ug duha ka banay nga nagkatibulaag: Kumosta.

1 Pedro 1:1

Si Pedro, apostol ni Jesu-Cristo, Alang sa mga dumuduong tungod sa pagkatibulaag nga anaa diha sa Ponto, sa Galacia, sa Capadocia, sa Asia ug sa Bitinia,