Juan 7:32

Ang Biblia 2011

Unya ang mga Pariseo nakadungog sa panon sa katawhan nga nagsultihanay sa ingon mahitungod kaniya ug ang mga pangulong pari ug ang mga Pariseo nagpadala ug mga tawo aron sa pagdakop kaniya.

Cross References

Mateo 12:14

Apan ang mga Pariseo nanggula ug nagsabot batok kang Jesus kon unsaon nila sa paglaglag kaniya.

Mateo 23:13

“Apan alaot kamong mga eskriba ug mga Pariseo, mga tigpakaaron-ingon! Kay gitakpan ninyo ang gingharian sa langit atubangan sa mga tawo, kay wala kamo mosulod ug wala usab motugot sa pagpasulod niadtong buot mosulod niini.

Mateo 26:58

Apan si Pedro misunod nga nagpaantaw kaniya hangtod sa hawanan sa tugkaran sa balay sa labawng pangulong pari ug sa pagsulod na niya milingkod siya uban sa mga bantay aron sa pagtan-aw sa sangpotan.

Juan 11:46

Apan ang pipila kanila miadto sa mga Pariseo ug ilang gisuginlan sila sa gibuhat ni Jesus.

Juan 12:19

Unya ang mga Pariseo nag-ingon sa usa ug usa, “Nakita ninyo nga wala na gayod kamoy mahimo! Tan-awa, ang tibuok kalibotan misunod na kaniya!”

Juan 18:3

Unya sa nakadala na si Judas ug usa ka panon nga mga sundalo ug pipila ka mga tinugyanan sa mga pangulong pari ug sa mga Pariseo, siya miadto didto nga sangkap sa mga parol ug mga sulo ug mga hinagiban.

Juan 7:30

Tungod niini naninguha sila sa pagdakop kaniya apan walay midakop kaniya kay wala pa man moabot ang iyang panahon.

Mga Buhat 5:26

Busa ang kapitan uban sa mga tinugyanan miadto ug mikuha kanila apan sa walay paggamit ug kusog kay nahadlok man sila nga batoon sa mga tawo.

1 Samuel 19:20

Unya si Saul nagpadala ug mga sinugo aron sa pagpakuha kang David, ug sa pagkakita nila sa panon sa mga propeta nga nagpropesiya ug kang Samuel nga nagtindog ingon nga ilang pangulo, ang Espiritu sa Dios miabot sa ibabaw sa mga sinugo ni Saul ug sila usab nagpropesiya.