Juan 7:31

Ang Biblia 2011

Apan daghan sa mga tawo ang mituo kaniya ug miingon, “Kon moabot na ang Cristo, himoon ba kaha niya ang labaw pa ka daghang milagro kay sa nahimo niining tawhana?”

Cross References

Mateo 12:23

Ug nahibulong ang tanang mga tawo ug miingon, “Mao na ba kaha kini ang Anak ni David?”

Lucas 8:13

Ang diha sa bato mao kadto sila nga sa ilang pagkadungog, midawat sa pulong uban sa kalipay apan wala kini silay gamot, sila mituo sa makadiyot ug unya sa panahon sa pagsulay sila mobiya.

Juan 11:45

Tungod niini daghan sa mga Judio nga miduaw kang Maria ug nakakita sa gibuhat ni Jesus, mituo kaniya.

Juan 12:11

kay tungod kaniya daghan sa mga Judio ang mipalayo kanila ug mituo kang Jesus.

Juan 12:42

Bisan pa niini, daghan sa mga namunoan ang mituo kaniya, apan tungod sa mga Pariseo wala kini nila ipadayag kay tingali unya ug palagpoton sila gikan sa sinagoga,

Juan 2:11

Mao kini ang una sa mga milagro ni Jesus. Kini nahitabo didto sa Cana sa Galilea, ug nagpadayag sa iyang himaya, ug ang iyang mga tinun-an mituo kaniya.

Juan 3:2

Kini siya miadto kang Jesus sa gabii ug miingon kaniya, “Rabi, nasayod kami nga ikaw usa ka magtutudlo nga gikan sa Dios, kay wala gayoy makahimo niining mga milagro nga imong gihimo gawas lamang kon ang Dios anaa uban kaniya.”

Juan 4:29

“Dali kamo, tan-awa ninyo ang usa ka tawo nga misulti kanako sa tanan nakong nabuhat. Dili ba kaha kini mao ang Cristo?”

Juan 4:39

Daghan sa mga Samarianhon nga gikan sa maong lungsod ang mituo kaniya tungod sa gipamulong sa babaye nga nagpamatuod, “Siya mitug-an kanako sa tanan nakong nabuhat.”

Juan 6:2

Ug miapas kaniya ang usa ka dakong panon sa katawhan, kay nakita man nila ang mga milagro nga iyang gihimo ngadto sa mga masakiton.

Juan 7:26

Ug karon ania na siya ug nagsulti sa dayag, apan wala silay gisulti batok kaniya! Dili ba kaha nga ang mga pangulo nahibalo nga kini siya mao ang Cristo?

Juan 9:16

Pipila sa mga Pariseo miingon, “Kining tawhana dili gikan sa Dios kay wala siya magtamod sa adlaw nga igpapahulay.” Apan ang uban miingon, “Unsaon man sa usa ka tawong makasasala ang paghimo ug mga milagro nga sama niini?” Ug may panagsumpaki diha kanila.

Mga Buhat 8:13

Bisan si Simon usab mituo, ug sa nabautismohan na, nagpabilin siya kang Felipe. Ug sa iyang pagkakita sa mga ilhanan ug mga dagkong milagro nga nangahimo, siya nahibulong.

Santiago 2:26

Kay ingon nga patay ang lawas nga walay espiritu, mao man usab, patay ang pagtuo nga walay binuhatan.