Juan 7:27

Ang Biblia 2011

Apan nasayod kita diin gikan kining tawhana. Apan ang Cristo sa dihang moabot na, walay si bisan kinsa nga masayod diin siya gikan.”

Cross References

Isaias 11:1

Adunay motunga nga saha gikan sa tuod ni Jesse, ug usa ka sanga motubo gikan sa iyang mga gamot.

Isaias 53:8

Pinaagi sa pagdaogdaog ug sa paghukom siya gikuha; ug sa iyang kaliwatan, kinsa ang nag-isip nga siya gipahimulag gikan sa yuta sa mga buhi, gihampak tungod sa kalapasan sa akong katawhan?

Jeremias 23:5

“Ang mga adlaw nagsingabot gayod, nag-ingon ang Ginoo, nga ako magpatindog alang kang David ug usa ka matarong nga Sanga, ug siya magmando ingon nga hari ug magdumala nga maalamon ug magpahamtang sa hustisya ug pagkamatarong dinhi sa yuta.

Jeremias 30:21

Ang ilang pangulo usa gayod kanila, ang ilang tigmando maggikan sa taliwala nila; paduolon nako siya, ug siya moduol kanako, kay kinsa ba kining mangahas sa pagduol kanako? nag-ingon ang Ginoo.

Miqueas 5:2

Apan ikaw, O Betlehem Efrata, ikaw nga gamayng lungsod diha sa kabanayan sa Juda, gikan kanimo mogula alang kanako ang mahimong tigmando sa Israel, nga ang kagikan gikan pa sa kanhing panahon, gikan sa kakaraanan.

Marcos 6:3

Dili ba siya mao man ang panday, nga anak ni Maria ug igsoon nila ni Santiago ug ni Jose ug ni Judas ug ni Simon? Ug dili ba ang iyang mga igsoong babaye ania man uban kanato?” Ug nasuko sila kaniya.

Lucas 4:22

Ang tanan nagsulti ug maayo mahitungod kaniya, ug nahibulong sa malumo nga mga pulong nga migula gikan sa iyang baba. Sila miingon, “Dili ba anak man kini ni Jose?”

Juan 6:42

Ug sila miingon, “Dili ba kini siya mao man si Jesus, ang anak ni Jose, nga ang amahan ug inahan atong nailhan? Naunsa ba nga nag-ingon na man siya karon, ‘Ako nanaog gikan sa langit’?”

Juan 7:15

Busa nahibulong ang mga Judio nga nag-ingon, “Giunsa man niining tawhana sa pagkabaton ug kahibalo nga wala man unta siya makatuon?”

Juan 9:29

Kami nasayod nga ang Dios nakigsulti kang Moises, apan bahin niining tawhana, wala kami mahibalo kon diin kini siya gikan.”

Mga Buhat 8:33

Sa pagpakaulaw kaniya ang hustisya gihikaw kaniya. Kinsa ang makahulagway sa iyang kaliwatan? Kay ang iyang kinabuhi gikuha na man gikan sa yuta.”