Juan 7:24

Ang Biblia 2011

Ayaw kamo panghukom pinasikad sa makita lamang, kondili panghukom kamo pinaagi sa matarong nga paghukom.”

Cross References

Salmo 82:2

“Hangtod kanus-a ba kamo maghukom nga dili matarong, ug magdapig sa mga daotan? Selah

Mga Panultihon 17:15

Siya nga maghimong matarong sa daotan ug siya nga maghukom sa matarong managsama nga dulumtanan sa Ginoo.

Mga Panultihon 24:23

Kini usab mga panultihon sa maalamon: Ang pagdapig diha sa paghukom dili maayo.

Isaias 5:23

nga nagpalingkawas sa sad-an tungod sa suborno, ug naghikaw sa matarong sa iyang katungod!

Levitico 19:15

“Ayaw paghimo ug dili makataronganong paghukom; ayaw paglaban sa kabos o magdapig sa tawo nga gamhanan, kondili diha sa pagkamatarong maghukom ikaw sa imong isigkatawo.

Zacarias 7:9

“Mao kini ang gisulti sa Ginoo sa mga panon: Ipahamtang ang matuod nga paghukom, ug ipakita ang pagkamaayo ug kaluoy, ang matag usa ngadto sa iyang igsoon.

Juan 7:25

Busa may mga taga-Jerusalem nga nag-ingon, “Dili ba kining tawhana mao man ang buot unta nilang patyon?

Juan 8:15

Naghukom kamo pinaagi sa unod apan wala ako maghukom kang bisan kinsa.

2 Mga Taga-Corinto 10:7

Tan-awa ang anaa sa inyong atubangan. Kon adunay masaligon nga siya iya ni Cristo, papahinumdumi kaniya ang iyang kaugalingon, ingon nga siya iya ni Cristo, mao usab kami.

Santiago 2:1

Mga igsoon ko, ayaw kamo pagpakita nga adunay pinalabi ingon nga kamo nagbaton sa pagtuo sa atong Ginoong Jesu-Cristo sa himaya.

Santiago 2:4

dili ba may pinalabi kamo diha sa inyong taliwala ug nangahimong mga maghuhukom nga may mga hunahunang daotan?

Santiago 2:9

Apan kon kamo adunay mga pinalabi, kamo nakasala ug gihukman sa Balaod nga mga malapason.