Juan 7:23

Ang Biblia 2011

Kon ang usa ka tawo tulion man sa adlaw nga igpapahulay aron ang Balaod ni Moises dili malapas, masuko ba diay kamo kanako tungod kay sa adlaw nga igpapahulay giayo nako ang tibuok lawas sa usa ka tawo?

Cross References

Exodo 31:14

Tumana ninyo ang adlaw nga igpapahulay, kay kini balaan alang kaninyo. Ang magpasipala niini kinahanglan nga patyon gayod kay si bisan kinsa nga magbuhat ug bisan unsang buluhaton niining adlawa, kanang tawhana ipahimulag gikan sa taliwala sa iyang katawhan.

Mateo 12:10

Unya, didtoy usa ka tawo nga may kamot nga mikuyos. Ug aron may ikasumbong sila batok kang Jesus, nangutana sila kaniya, “Uyon ba sa Balaod ang pagpang-ayo ug mga sakit panahon sa adlaw nga igpapahulay?”

Mateo 12:2

Apan ang mga Pariseo nga nakakita niini miingon kaniya, “Tan-awa, ang imong mga tinun-an nagbuhat sa supak sa Balaod sa adlaw nga igpapahulay.”

Mateo 12:5

O wala ba ninyo mabasa sa Balaod nga sa adlawng igpapahulay ang mga pari sulod sa Templo nagpasipala man sa adlaw nga igpapahulay apan wala sila pakasad-a niini?

Juan 5:10

Tungod niana ang mga Judio miingon sa tawo nga naayo, “Adlaw karon nga igpapahulay ug dili uyon sa balaod ang pagdaladala nimo sa imong higdaanan.”

Juan 7:21

Si Jesus mitubag kanila, “Gihimo nako ang usa ka buhat, ug kamong tanan natingala niini.

Juan 9:16

Pipila sa mga Pariseo miingon, “Kining tawhana dili gikan sa Dios kay wala siya magtamod sa adlaw nga igpapahulay.” Apan ang uban miingon, “Unsaon man sa usa ka tawong makasasala ang paghimo ug mga milagro nga sama niini?” Ug may panagsumpaki diha kanila.