Juan 7:15

Ang Biblia 2011

Busa nahibulong ang mga Judio nga nag-ingon, “Giunsa man niining tawhana sa pagkabaton ug kahibalo nga wala man unta siya makatuon?”

Cross References

Isaias 29:12

Ug sa dihang gihatag nila ang basahon niadtong dili makamaong mobasa nga nag-ingon, “Basaha kini,” siya miingon, “Ako dili makabasa.”

Mateo 13:54

Unya pag-abot niya sa iyang kaugalingong lungsod, siya nagtudlo kanila sulod sa ilang sinagoga nga niini sila nahibulong ug nag-ingon, “Diin man niya kuhaa ang maong kaalam ug gahom sa paghimo ug milagro?

Mateo 22:22

Ug sa ilang pagkadungog niini, natingala sila ug mibiya sila kaniya ug nanglakaw.

Mateo 22:33

Ug sa pagkadungog niini sa panon sa katawhan, natingala sila sa iyang pagpanudlo.

Lucas 2:47

Ug ang tanan nga nakadungog kaniya natingala sa iyang pagpanabot ug sa iyang mga tubag.

Lucas 4:22

Ang tanan nagsulti ug maayo mahitungod kaniya, ug nahibulong sa malumo nga mga pulong nga migula gikan sa iyang baba. Sila miingon, “Dili ba anak man kini ni Jose?”

Juan 1:19

Ug mao kini ang pamatuod ni Juan sa diha nga gipadala ngadto kaniya sa mga Judio ang mga pari ug mga Levihanon gikan sa Jerusalem aron sa pagpangutana kaniya, “Kinsa man ikaw?”

Juan 7:11

Ug didto sa kasaulogan, ang mga Judio nangita kaniya ug nag-ingon, “Hain ba siya?”

Juan 7:13

Hinuon, tungod sa kahadlok nila sa mga Judio walay misulti sa dayag mahitungod kaniya.

Juan 7:46

Sila mitubag, “Wala pa gayoy tawo nga nakasulti sama niining tawhana!”

Mga Buhat 26:24

Ug samtang si Pablo nanalipod sa iyang kaugalingon, si Festo miingon sa kusog nga tingog, “Nagsalimoang ka, Pablo. Ang imong daghang nakat-onan nakapabuang kanimo.”

Mga Buhat 4:13

Sa ilang pagkakita sa kaisog ni Pedro ug ni Juan, ug sa namatikdan nila nga sila walay alamag ug mga yano lamang nga mga tawo, sila nahibulong. Ug ilang nasayran nga sila diay dugay nang nakig-uban kang Jesus.

1 Samuel 10:11

Sa diha nga ang tanan nga nakaila kaniya kaniadto nakakita kon giunsa niya pagpropesiya uban sa mga propeta, ang katawhan nag-ingon sa usa ug usa, “Unsa kining miabot sa anak ni Kis? Usa ba usab si Saul sa mga propeta?”