Juan 7:13

Ang Biblia 2011

Hinuon, tungod sa kahadlok nila sa mga Judio walay misulti sa dayag mahitungod kaniya.

Cross References

Mga Panultihon 29:25

Ang kahadlok sa tawo nagbutang ug usa ka lit-ag, apan siya nga nagsalig sa Ginoo layo sa kakuyaw.

Juan 19:38

Human niini, si Jose nga taga-Arimatea nga usa ka tinun-an ni Jesus, apan sa tago lamang tungod sa kahadlok niya sa mga Judio, mihangyo kang Pilato nga iyang kuhaon ang lawas ni Jesus, ug siya gitugotan ni Pilato. Busa miadto siya ug gikuha niya ang lawas ni Jesus.

Juan 20:19

Sa pagkakilomkilom na niadtong adlawa nga mao ang unang adlaw sa semana, samtang tinakpan ang mga pultahan sa dapit diin didto ang mga tinun-an tungod sa kahadlok nila sa mga Judio, si Jesus mitungha ug mitindog sa ilang taliwala ug miingon kanila, “Ang kalinaw mag-uban kaninyo.”

Juan 3:2

Kini siya miadto kang Jesus sa gabii ug miingon kaniya, “Rabi, nasayod kami nga ikaw usa ka magtutudlo nga gikan sa Dios, kay wala gayoy makahimo niining mga milagro nga imong gihimo gawas lamang kon ang Dios anaa uban kaniya.”

Juan 7:1

Unya human niini, si Jesus milibot didto sa Galilea ug dili siya buot moadto sa Judea kay ang mga Judio naninguha man sa pagpatay kaniya.

Juan 7:11

Ug didto sa kasaulogan, ang mga Judio nangita kaniya ug nag-ingon, “Hain ba siya?”

Juan 7:15

Busa nahibulong ang mga Judio nga nag-ingon, “Giunsa man niining tawhana sa pagkabaton ug kahibalo nga wala man unta siya makatuon?”

Juan 9:22

Giingon niini pagsulti sa iyang mga ginikanan tungod kay sila nahadlok sa mga Judio, kay ang mga Judio nagkasabot na man nga kon adunay moingon nga si Jesus mao ang Cristo, ang maong tawo palagpoton gikan sa sinagoga.

Juan 9:34

Mitubag sila kaniya nga nag-ingon, “Sa tumang kasal-anan ikaw natawo ug unya mangahas ikaw sa pagtudlo kanamo?” Ug gihinginlan nila siya.

Gipadayag 2:13

“ ‘Nasayod ako sa dapit nga imong gipuy-an, diin anaa ang trono ni Satanas. Gihuptan nimo ang akong ngalan ug wala nimo ilimod ang imong pagtuo kanako bisan pa sa mga adlaw ni Antipas nga akong saksi, ang akong sinaligan nga gipatay diha kaninyo, diin nagpuyo si Satanas.