Juan 7:12

Ang Biblia 2011

Ug didtoy daghang mga tabi-tabi sa mga tawo mahitungod kaniya. Samtang ang uban nag-ingon, “Siya maayong tawo,” ang uban nag-ingon, “Dili, nagpahisalaag hinuon siya sa mga tawo.”

Cross References

Mateo 10:25

Igo na alang sa tinun-an nga mahisama sa iyang magtutudlo ug sa ulipon nga mahisama sa iyang agalon. Kon ang pangulo sa panimalay ilang ginganlan ug Beelzebul, unsa pa kaha ka ngil-ad sa ilang ingalan sa mga sakop sa iyang panimalay!

Mateo 21:46

Ug sa dihang gisulayan nila ang pagdakop kaniya, nahadlok sila sa katawhan, kay giila man nila siya nga propeta.

Mateo 27:63

ug miingon kaniya, “Ginoo, nahinumdom kami nga kadtong mangingilad, sa buhi pa siya, nag-ingon, ‘Human sa tulo ka adlaw, mabanhaw ako.’

Lucas 18:19

Si Jesus mitubag kaniya, “Nganong gitawag man nimo ako nga maayo? Walay bisan usa nga maayo gawas sa Dios lamang.

Lucas 23:47

Sa nakita sa kapitan ang nahitabo, siya midayeg sa Dios ug miingon, “Tinuod gayod nga kining tawhana dili sad-an!”

Lucas 23:50

Ug dihay usa ka tawo nga ginganlan ug Jose nga taga-Arimatea, usa ka lungsod sa mga Judio. Siya sakop sa Sanhedrin, maayo ug matarong nga tawo.

Lucas 6:45

Ang maayong tawo gikan sa maayong bahandi sa iyang kasingkasing magpagula ug maayo, apan ang daotang tawo gikan sa iyang daotang bahandi magpagula ug daotan. Kay gikan sa kapuno sa kasingkasing mosulti ang iyang baba.

Lucas 7:16

Silang tanan nahadlok pag-ayo ug ilang gidayeg ang Dios nga nag-ingon, “Usa ka bantogang propeta ang mitungha sa atong taliwala!” ug, “Ang Dios miduaw sa iyang katawhan!”

Juan 6:14

Sa pagkakita sa mga tawo sa ilhanan nga iyang gibuhat, sila miingon, “Sa pagkatinuod kini siya mao gayod ang propeta nga moanhi sa kalibotan!”

Juan 7:32

Unya ang mga Pariseo nakadungog sa panon sa katawhan nga nagsultihanay sa ingon mahitungod kaniya ug ang mga pangulong pari ug ang mga Pariseo nagpadala ug mga tawo aron sa pagdakop kaniya.

Juan 7:47

Ang mga Pariseo mitubag kanila, “Nalimbongan ba diay usab kamo?

Juan 7:52

Sila mitubag kaniya, “Gikan ka ba usab diay sa Galilea? Susiha ug imong masuta nga walay propeta nga maggikan sa Galilea.” [

Juan 9:16

Pipila sa mga Pariseo miingon, “Kining tawhana dili gikan sa Dios kay wala siya magtamod sa adlaw nga igpapahulay.” Apan ang uban miingon, “Unsaon man sa usa ka tawong makasasala ang paghimo ug mga milagro nga sama niini?” Ug may panagsumpaki diha kanila.

Mga Buhat 11:24

tungod kay siya usa ka maayong tawo, puno sa Espiritu Santo ug sa pagtuo. Ug nadugang ngadto sa Ginoo ang usa ka dakong pundok sa mga tawo.

Roma 5:7

Lisod ang pagpakamatay alang sa usa ka tawong matarong, hinuon aduna tingali magpakamatay alang sa usa ka maayong tawo.

Mga Taga-Filipos 2:14

Buhata ninyo ang tanang butang sa walay pagbagulbol o pagpakiglalais,