Juan 6:70

Ang Biblia 2011

Si Jesus mitubag kanila, “Dili ba gipili man kamo nako, ang napulo ug duha ug ang usa kaninyo yawa?”

Cross References

Juan 13:18

Wala ako magsulti mahitungod kaninyong tanan. Ako nakaila kanila nga akong gipili. Apan kinahanglang matuman ang kasulatan nga nag-ingon, ‘Siya nga nagkaon sa akong pan nag-isa sa iyang tiil batok kanako.’

Juan 13:2

Samtang nanihapon sila, gisulod na sa yawa diha sa kasingkasing ni Judas Iscariote nga anak ni Simon ang pagbudhi kang Jesus.

Juan 13:21

Unya sa nakasulti na si Jesus niini, nasubo siya diha sa espiritu ug nagpamatuod siya nga nag-ingon, “Sa pagkatinuod gayod, sultihan ko kamo nga usa kaninyo magbudhi kanako.”

Juan 13:27

Human mahatag ang pan, si Satanas misulod kang Judas. Ug si Jesus miingon kaniya, “Ang imong buhaton, buhata dayon.”

Juan 15:16

Kamo wala magpili kanako apan ako ang nagpili kaninyo ug nagtahas kaninyo aron manglakaw kamo ug mamunga ug bunga nga molungtad, aron nga ang bisan unsa nga inyong pangayoon gikan sa Amahan pinaagi sa akong ngalan, ihatag kaninyo.

Juan 15:19

Kon kamo iya pa sa kalibotan, ang kalibotan nahigugma unta sa mga iya, apan kay kamo dili man iya sa kalibotan, hinuon gipili kamo nako gikan sa kalibotan, tungod niini nagdumot kaninyo ang kalibotan.

Juan 17:12

Samtang uban pa ako kanila, gibantayan nako sila pinaagi sa imong ngalan nga gihatag nimo kanako, ug gibantayan nako sila ug walay usa kanila nga nalaglag gawas sa anak sa kalaglagan aron matuman ang kasulatan.

Juan 2:2

Si Jesus usab ug ang iyang mga tinun-an gidapit ngadto sa kasal.

Juan 20:24

Usa sa napulo ug duha nga mao si Tomas nga ginganlan ug Kaluha, wala mahiuban kanila sa pagtungha ni Jesus.

Juan 6:64

Apan adunay pipila kaninyo nga wala motuo.” Kay si Jesus nasayod man sukad sa sinugdan kinsa kadtong wala motuo ug kinsa kadtong magbudhi kaniya.

Juan 6:67

Busa si Jesus nangutana sa napulo ug duha, “Buot ba usab kamong mobiya kanako?”

Juan 6:71

Nagsulti siya niini mahitungod kang Judas nga anak ni Simon Iscariote, kay siya nga usa sa napulo ug duha, mao ang magbudhi kaniya.

Juan 8:44

Kamo gikan sa inyong amahan nga mao ang yawa ug nagtinguha kamo sa pagbuhat sa kabubut-on sa inyong amahan. Siya mamumuno gayod sukad pa sa sinugdan, ug walay labot sa kamatuoran kay ang kamatuoran wala man diha kaniya. Sa dihang mamakak siya, magsulti siya tukma sa iyang kaugalingong kinaiya kay siya bakakon man ug amahan sa mga bakak.

Mga Buhat 1:17

Kay kadto siya apil man kanamo ug nakadawat sa iyang bahin niining maong buluhaton.

Mga Buhat 13:10

ug miingon, “Ikaw nga anak sa yawa, ikaw nga kaaway sa tanang pagkamatarong, puno sa tanang limbong ug kadaotan, dili ka ba mohunong sa pagtuis sa mga tul-id nga dalan sa Ginoo?

1 Timoteo 3:11

Ang mga babaye usab kinahanglang magmaligdong, dili tigpanaot ug dungog sa uban kondili mapinugnganon sa kaugalingon ug kasaligan sa tanang mga butang.

Tito 2:3

Mao usab ang hamtong nga mga babaye, kinahanglan nga diosnon sa ilang paggawi, dili tigpangdaot ug dili mga ulipon sa bino, mga magtutudlo sa maayo,

1 Juan 3:8

Ang nagbuhat ug pagpakasala, iya sa yawa kay ang yawa nagpakasala man sukad pa sa sinugdan. Ang hinungdan nganong gipadayag ang anak sa Dios mao ang paglaglag sa mga binuhatan sa yawa.