Juan 6:5

Ang Biblia 2011

Ug sa pagyahat ni Jesus sa iyang mga mata ug sa pagkakita niya sa dakong panon sa katawhan nga nagpadulong kaniya, miingon siya kang Felipe, “Asa man kita magpalit ug pan aron makakaon kini sila?”

Cross References

Numeros 11:13

Asa man ako ug karne nga ikahatag niining tibuok nga katawhan? Nanghilak sila diri kanako, ug nag-ingon, ‘Hatagi kami ug karne aron among kaonon.’

Mateo 15:33

Ang mga tinun-an miingon kaniya, “Asa man kita manguha ug pan dinhi sa kamingawan nga igong makabusog niining dakong panon sa katawhan?”

Marcos 6:32

Ug sakay sa sakayan nangadto sila sa usa ka dapit nga awaaw nga silasila ra.

Lucas 9:10

Sa pagbalik na sa mga apostoles, ilang gisugilon kaniya ang ilang mga nabuhat. Ug gidala niya sila ug mipahilit ngadto sa usa ka lungsod nga ginganlan ug Betsaida.

Juan 1:43

Sa pagkasunod nga adlaw si Jesus buot moadto sa Galilea. Ug gikahibalag niya si Felipe ug giingnan, “Sunod kanako.”

Juan 1:44

Ug si Felipe taga-Betsaida, ang lungsod nila ni Andres ug Pedro.

Juan 1:45

Unya gikahibalag ni Felipe si Natanael, ug giingnan siya, “Among gikahibalag siya nga gihisgotan sa gisulat ni Moises diha sa Balaod ug sa mga Propeta usab. Siya si Jesus nga Nazaretnon, ang anak ni Jose.”

Juan 1:46

Ug si Natanael miingon kaniya, “Aduna bay maayo nga naggikan sa Nazaret?” Si Felipe miingon kaniya, “Dali ug tan-awa.”

Juan 1:48

Ug si Natanael miingon kaniya, “Giunsa man nimo pagkaila kanako?” Si Jesus mitubag kaniya, “Sa wala pa ikaw tawga ni Felipe, samtang nagpasilong ikaw sa kahoyng igera, nakita ko ikaw.”

Juan 4:35

Dili ba nag-ingon man kamo, ‘Upat pa ka bulan ug unya mao na ang ting-ani’? Sultihan ko kamo, iyahat ninyo ang inyong mga mata ug lantawa ninyo ang kaumahan nga namuti na sa anihon.