Juan 6:2

Ang Biblia 2011

Ug miapas kaniya ang usa ka dakong panon sa katawhan, kay nakita man nila ang mga milagro nga iyang gihimo ngadto sa mga masakiton.

Cross References

Mateo 12:15

Si Jesus nga nasayod niini, mipalayo gikan didto. Ug daghan ang mikuyog kaniya ug iyang giayo silang tanan

Mateo 13:2

Ug midugok kaniya ang dagkong mga panon sa katawhan busa misakay siya sa usa ka sakayan ug milingkod didto ug ang tibuok panon sa katawhan nagtindog sa baybayon.

Mateo 14:14

Ug sa pagkawas ni Jesus ngadto sa mamala, nakita niya ang usa ka dakong panon sa mga tawo ug siya naluoy kanila ug iyang giayo ang ilang mga masakiton.

Mateo 8:1

Sa nakalugsong na si Jesus gikan sa bungtod, misunod kaniya ang dagkong mga panon sa katawhan.

Marcos 1:45

Apan milakaw siya ug misugod sa pagpanugilon nga walay lipodlipod mahitungod niini ug sa pagsabwag sa balita, nga tungod niana si Jesus dili na makahimo sa dayag nga pagsulod ug lungsod, kondili didto na lamang siya sa mga dapit nga awaaw. Ug ang mga tawo nangadto kaniya gikan sa tanang dapit.

Marcos 6:33

Apan daghan ang nakakita kanila sa ilang paggikan ug nakaila kanila, ug kini sila midali pagpanagan paingon sa maong dapit gikan sa tanang kalungsoran, ug miabot sila didto nga una pa kanila.

Juan 11:47

Busa ang mga pangulong pari ug ang mga Pariseo mipatigom sa Sanhedrin ug miingon, “Unsa may atong buhaton? Kay kining tawhana naghimo man ug daghang mga milagro.

Juan 12:18

Tungod niini ang panon sa katawhan miadto sa pagsugat kaniya kay nakadungog man sila nga nakahimo siya sa maong ilhanan.

Juan 12:37

Bisan tuod ug daghan ang mga milagro nga iyang nahimo sa ilang atubangan, wala sila motuo kaniya

Juan 2:11

Mao kini ang una sa mga milagro ni Jesus. Kini nahitabo didto sa Cana sa Galilea, ug nagpadayag sa iyang himaya, ug ang iyang mga tinun-an mituo kaniya.

Juan 2:23

Samtang didto siya sa Jerusalem panahon sa Kasaulogan sa Pagsaylo, daghan ang mituo sa iyang ngalan sa pagkakita nila sa mga milagro nga iyang gibuhat.

Juan 20:30

Unya sa atubangan sa iyang mga tinun-an gihimo ni Jesus ang daghan pang mga milagro nga wala masulat niining basahona,

Juan 3:2

Kini siya miadto kang Jesus sa gabii ug miingon kaniya, “Rabi, nasayod kami nga ikaw usa ka magtutudlo nga gikan sa Dios, kay wala gayoy makahimo niining mga milagro nga imong gihimo gawas lamang kon ang Dios anaa uban kaniya.”

Juan 6:14

Sa pagkakita sa mga tawo sa ilhanan nga iyang gibuhat, sila miingon, “Sa pagkatinuod kini siya mao gayod ang propeta nga moanhi sa kalibotan!”

Juan 6:22

Sa pagkasunod nga adlaw ang panon sa katawhan nga nagpabilin sa pikas nga daplin sa lanaw nakamatngon nga usa ra ka sakayan ang didto ug nga si Jesus wala makasakay uban sa iyang mga tinun-an, hinuon ang iyang mga tinun-an namiya nga silasila ra.

Juan 6:26

Si Jesus mitubag kanila, “Sa pagkatinuod gayod, sultihan ko kamo nga kamo nangita kanako dili tungod kay nakakita kamo ug mga milagro, kondili tungod kay kamo nakakaon man ug nangabusog sa pan.

Juan 6:30

Busa sila miingon kaniya, “Unsa man diay ang milagro nga imong mabuhat aron makita namo kini ug motuo kami kanimo? Unsa man ang imong gibuhat?