Juan 5:37

Ang Biblia 2011

Ug ang Amahan nga maoy nagpadala kanako, siya mao ang nagpamatuod mahitungod kanako. Kamo wala gayod makadungog sa iyang tingog, kamo wala gayod makakita sa iyang dagway.

Cross References

Exodo 20:19

Ug sila miingon kang Moises, “Sulti kanamo ug mamati kami apan ayaw pasultiha ang Dios kanamo kay basin unya ug mangamatay kami.”

Isaias 26:10

Kon ang kaluoy ipakita ngadto sa daotan, dili siya makakat-on sa pagkamatarong, diha sa yuta sa kaligdong magbuhat siya ug daotan, ug dili motan-aw sa kahalangdon sa Ginoo.

Mateo 17:5

Samtang nagsulti pa siya, dihay usa ka silaw nga panganod nga mitabon kanila ug gikan sa panganod dihay usa ka tingog nga nag-ingon, “Mao kini ang akong Anak nga pinalangga, diha kaniya nalipay ako, pamati kaniya.”

Mateo 3:17

Ug dihay usa ka tingog gikan sa langit nga nag-ingon, “Kini mao ang akong Anak nga pinalangga, kaniya nalipay ako pag-ayo.”

Marcos 1:11

Ug gikan sa langit nadungog ang usa ka tingog, “Ikaw ang akong Anak nga pinalangga, kanimo nalipay ako.”

Lucas 24:27

Ug sugod kang Moises ug sa tanang mga propeta, iyang gipasabot kanila ang mga butang sa tibuok nga kasulatan mahitungod sa iyang kaugalingon.

Lucas 3:22

ug diha kaniya mikunsad ang Espiritu Santo sa lawasnon nga panagway sama sa salampati ug may tingog nga miabot gikan sa langit, “Ikaw ang akong pinalanggang Anak, kanimo nalipay ako.”

Juan 1:18

Wala pa gayoy tawo nga nakakita sa Dios. Ang bugtong nga Dios nga anaa sa sabakan sa Amahan mao ang nagpaila kaniya.

Juan 14:9

Si Jesus mitubag kaniya, “Kadugay na nakong nakig-uban kaninyo ug wala ikaw makaila kanako, Felipe? Ang nakakita kanako nakakita sa Amahan. Nganong nag-ingon man ikaw, ‘Ipakita kanamo ang Amahan?’

Juan 15:24

Kon wala pa nako buhata taliwala kanila ang mga buhat nga wala mabuhat sa uban, wala unta silay sala. Apan karon sila nakakita ug nagdumot na kanako ug sa akong Amahan.

Juan 5:32

Adunay lain nga magpamatuod mahitungod kanako ug ako nahibalo nga ang pagpamatuod nga iyang ipadayag mahitungod kanako matuod.

Juan 6:27

Ayaw kamo paghago alang sa pagkaon nga mahanaw ra kondili alang sa pagkaon nga molungtad ngadto sa kinabuhing dayon nga ihatag kaninyo sa Anak sa Tawo kay diha kaniya ang Dios nga Amahan nagpatik sa iyang timaan.”

Juan 8:18

Ako nagpamatuod mahitungod sa akong kaugalingon ug ang Amahan nga nagpadala kanako nagpamatuod usab mahitungod kanako.”

Deuteronomio 4:12

Unya misulti ang Ginoo kaninyo gikan sa taliwala sa kalayo. Nadungog ninyo ang tingog sa mga pulong apan wala makakita ug dagway, tingog lamang ang atua didto.

1 Timoteo 1:17

Ngadto sa Hari sa kapanahonan nga dili mamatay, dili makita, ang bugtong nga Dios, ang dungog ug himaya hangtod sa kahangtoran. Amen.

1 Timoteo 6:16

nga mao lamang ang bugtong nga walay kamatayon ug nagpuyo sa kahayag nga dili maduol, nga walay tawo nga nakakita o makakita. Kaniya ang dungog ug dayon nga paggahom. Amen.

1 Juan 4:12

Wala pa gayoy tawo nga nakakita sa Dios; kon kita maghigugmaay sa usa ug usa, ang Dios magpabilin kanato ug ang iyang gugma nahingpit dinhi kanato.

1 Juan 4:20

Kon adunay moingon, “Ako nahigugma sa Dios,” apan nagdumot sa iyang igsoon, bakakon siya. Kay siya nga wala mahigugma sa iyang igsoon nga iyang nakita, dili gayod makahimo sa paghigugma sa Dios nga wala niya makita.

1 Juan 5:9

Kon ang pamatuod gikan sa mga tawo gidawat nato, ang pamatuod nga gikan sa Dios labaw pa niini kay ang pamatuod sa Dios mao kini, nga siya nakapamatuod na mahitungod sa iyang Anak.