Juan 5:34

Ang Biblia 2011

Hinuon ako wala magsalig sa pagpamatuod sa tawo apan gihisgotan lamang nako kini aron maluwas kamo.

Cross References

Lucas 13:34

O Jerusalem, Jerusalem, nga nagpatay sa mga propeta ug nagbato sa mga sinugo diha kanimo! Makapila nako gipangandoy ang pagtigom sa imong mga anak sama sa himungaan nga nagtigom sa iyang mga piso ilalom sa iyang mga pako, apan nagdumili ka!

Lucas 19:10

Kay ang Anak sa Tawo mianhi sa pagpangita ug pagluwas sa nawala.”

Lucas 24:47

ug nga sa iyang ngalan, ang paghinulsol ug pagpasaylo sa mga sala kinahanglang iwali ngadto sa tanang kanasoran, sugod sa Jerusalem.

Juan 20:31

apan kini, gisulat aron kamo motuo nga si Jesus mao ang Cristo, ang Anak sa Dios, ug nga sa pagtuo makabaton kamo ug kinabuhi diha sa iyang ngalan.

Juan 5:32

Adunay lain nga magpamatuod mahitungod kanako ug ako nahibalo nga ang pagpamatuod nga iyang ipadayag mahitungod kanako matuod.

Juan 5:41

Wala ako magdawat ug pasidungog gikan sa tawo.

Juan 8:54

Si Jesus mitubag nga nag-ingon, “Kon ako mao pa ang nagpasidungog sa akong kaugalingon, walay bili ang maong kadungganan. Ang nagpasidungog kanako mao ang akong Amahan, ang inyong giingon nga mao ang inyong Dios.

Roma 10:1

Mga igsoon, ang tinguha sa akong kasingkasing ug ang akong pag-ampo ngadto sa Dios alang kanila mao nga mangaluwas unta sila.

Roma 10:21

Apan mahitungod kang Israel siya miingon, “Sa tibuok adlaw gituy-od nako ang akong mga kamot ngadto sa katawhan nga masupilon ug masinupakon.”

Roma 12:21

Ayaw pagpadaog sa daotan, dag-a ang daotan pinaagi sa maayo.

Roma 3:3

Unsa kaha kon ang uban wala magmatinumanon? Makaguba ba ang ilang pagkadili-matinumanon sa pagkamatinumanon sa Dios?

1 Mga Taga-Corinto 9:22

Ngadto sa mga huyang, nahimo akong huyang aron makabig nako ang mga huyang. Ako nahimong tanang butang ngadto sa tanang tawo, aron nga sa bisan unsang paagi maluwas unta nako ang pipila kanila.

1 Timoteo 4:16

Bantayi ang imong kaugalingon ug ang imong pagpanudlo. Padayon niini, kay sa imong pagbuhat niini maluwas nimo ang imong kaugalingon ug ang mga namati kanimo.

1 Juan 5:9

Kon ang pamatuod gikan sa mga tawo gidawat nato, ang pamatuod nga gikan sa Dios labaw pa niini kay ang pamatuod sa Dios mao kini, nga siya nakapamatuod na mahitungod sa iyang Anak.