Juan 5:25

Ang Biblia 2011

“Sa pagkatinuod gayod, sultihan ko kamo nga ang takna taliabot ug karon mao na, nga ang mga patay mamati sa tingog sa Anak sa Dios ug kadtong mga mamati mabuhi.

Cross References

Lucas 15:24

Kay kining akong anak namatay ug karon nabuhi pag-usab. Siya nawala apan karon nakit-an na.’ Ug sila misugod sa pagsadya.

Lucas 15:32

Angay gayod ang pagsadya ug paglipay kay kining imong igsoon namatay apan karon nabuhi pag-usab. Siya nawala apan karon nakit-an.’ ”

Lucas 9:60

Apan si Jesus miingon kaniya, “Pasagdi ang mga patay nga maoy maglubong sa ilang kaugalingong mga minatay. Apan ikaw, lakaw ug isangyaw ang gingharian sa Dios.”

Juan 13:1

Sa wala pa ang Kasaulogan sa Pagsaylo, si Jesus nahibalo nga miabot na ang takna sa iyang pagbiya niining kalibotana ug sa pag-adto ngadto sa Amahan. Ug kay nahigugma man siya sa mga iya nga ania sa kalibotan, sila iyang gihigugma hangtod sa kataposan.

Juan 17:1

Kining mga butanga gisulti ni Jesus ug giyahat niya ang iyang mga mata ngadto sa langit ug miingon, “Amahan, ang takna miabot na. Pasidunggi ang imong Anak aron ang Anak makapasidungog kanimo,

Juan 4:21

Ug si Jesus miingon kaniya, “Babaye, tuohi ako nga taliabot na ang takna nga dili na niining bukira o sa Jerusalem nga kamo magsimba sa Amahan.

Juan 4:23

Apan ang takna taliabot, ug karon mao na, nga ang tinuod nga mga magsisimba magsimba sa Amahan diha sa espiritu ug sa kamatuoran, kay kini sila mao ang gipangita sa Amahan nga magsimba kaniya.

Juan 5:21

Kay ingon nga ang Amahan nagbanhaw sa mga patay ug naghatag kanila ug kinabuhi, ang Anak usab naghatag ug kinabuhi kang bisan kinsa nga buot niyang hatagan.

Juan 5:28

Ayaw kamo kahibulong niini kay ang takna nagsingabot na nga ang tanan nga anaa sa mga lubong mamati sa iyang tingog

Juan 6:60

Daghan sa iyang mga tinun-an nga nakadungog niini miingon, “Lisod kining sultiha. Kinsa may makapamati niini?”

Juan 8:43

Nganong dili man kamo makasabot sa akong gisulti? Tungod kay kamo dili man makahimo pagpamati sa akong pulong.

Juan 8:47

Siya nga gikan sa Dios mamati sa mga pulong sa Dios. Busa dili kamo mamati kay kamo dili man gikan sa Dios.”

Juan 9:27

Kanila mitubag siya nga nag-ingon, “Gitug-anan ko na kamo, ug wala kamo mamati. Nganong buot man kamong mamati pag-usab? Buot ba usab kamong mahimo nga iyang mga tinun-an?”

Roma 6:4

Busa pinaagi sa bautismo gilubong kita uban kaniya ngadto sa kamatayon, aron ingon nga si Cristo gibanhaw gikan sa mga patay pinaagi sa himaya sa Amahan, kita usab maglakaw diha sa kabag-o sa kinabuhi.

Mga Taga-Efeso 2:1

Kaniadto kamo patay tungod sa inyong mga kalapasan ug mga kasal-anan.

Mga Taga-Efeso 2:5

bisan sa dihang patay pa kita tungod sa atong mga kasal-anan, naghimo kanato nga buhi uban kang Cristo. Tungod sa grasya giluwas kamo.

Mga Taga-Efeso 5:14

kay ang tanang nadayag kahayag. Busa kini giingon: “Pagmata, ikaw nga natulog, ug bangon gikan sa mga patay, ug dan-agan ikaw ni Cristo.”

Mga Taga-Colosas 2:13

Ug kamo nga mga patay kaniadto diha sa mga kalapasan ug sa pagkadili tinuli sa inyong unod, ang Dios naghimo kaninyo nga buhi uban kaniya ingon nga napasaylo na niya kita sa tanan natong kalapasan,

Gipadayag 3:1

“Ug ngadto sa anghel sa iglesia sa Sardis, isulat kini: ‘Mao kini ang mga pulong sa naghupot sa pito ka espiritu sa Dios ug sa pito ka mga bituon. “ ‘Nasayod ako sa imong mga buhat, nailhan ikaw nga buhi, apan ikaw patay.