Juan 5:24

Ang Biblia 2011

Sa pagkatinuod gayod, sultihan ko kamo nga ang namati sa akong pulong ug nagtuo kaniya nga nagpadala kanako may kinabuhi nga dayon ug dili na hukman, apan nakalatas na siya gikan sa kamatayon ngadto sa kinabuhi.

Cross References

Mateo 25:46

Ug sila moadto sa silot nga dayon apan ang mga matarong ngadto sa kinabuhing dayon.”

Marcos 16:16

Ang motuo ug magpabautismo maluwas apan ang dili motuo hukman sa silot.

Juan 11:26

ug ang tanan nga buhi ug nagtuo kanako dili na gayod mamatay. Motuo ba ikaw niini?”

Juan 12:44

Unya si Jesus misinggit ug miingon, “Siya nga nagtuo kanako nagtuo dili kanako kondili kaniya nga nagpadala kanako.

Juan 20:31

apan kini, gisulat aron kamo motuo nga si Jesus mao ang Cristo, ang Anak sa Dios, ug nga sa pagtuo makabaton kamo ug kinabuhi diha sa iyang ngalan.

Juan 3:16

Kay gihigugma sa Dios ang kalibotan sa ingon nga tungod niana gihatag niya ang iyang bugtong Anak aron nga ang tanang motuo kaniya dili malaglag kondili makabaton sa kinabuhing dayon.

Juan 3:18

Ang nagtuo kaniya dili na hinukman sa silot apan ang wala magtuo hinukman na sa silot, kay wala man siya motuo sa ngalan sa bugtong Anak sa Dios.

Juan 3:36

Ang motuo sa Anak may kinabuhi nga dayon; apan ang dili motuman sa Anak dili makakaplag sa kinabuhi, hinuon ang kapungot sa Dios magpabilin diha kaniya.

Juan 4:36

Siya nga nag-ani nagdawat ug suhol ug nagtigom ug bunga alang sa kinabuhi nga dayon aron ang nagpugas ug ang nag-ani magduyog sa kalipay.

Juan 6:40

Kay ang kabubut-on sa akong Amahan mao kini, nga ang matag usa nga makakita sa Anak ug motuo kaniya makabaton sa kinabuhing dayon ug banhawon nako siya sa kataposan nga adlaw.”

Juan 6:47

Sa pagkatinuod gayod, sultihan ko kamo nga ang motuo makabaton sa kinabuhing dayon.

Juan 6:50

Mao kini ang pan nga nanaog gikan sa langit aron ang tawo makakaon niini ug dili mamatay.

Juan 6:51

Ako mao ang buhing pan nga nanaog gikan sa langit. Si bisan kinsa nga mokaon niining maong pan, mabuhi sa dayon ug ang pan nga akong ihatag alang sa kinabuhi sa kalibotan mao ang akong unod.”

Juan 6:58

Mao kini ang pan nga nanaog gikan sa langit, dili sama niadtong gikaon sa inyong mga katigulangan, ug nangamatay sila. Siya nga mokaon niining maong pan mabuhi sa dayon.”

Juan 8:51

Sa pagkatinuod gayod, sultihan ko kamo nga si bisan kinsa nga magtuman sa akong pulong, siya dili gayod makakita sa kamatayon.”

Roma 8:1

Busa sila nga anaa kang Cristo Jesus dili na karon mga hinukman.

1 Mga Taga-Tesalonica 5:9

Kay ang Dios wala magtagana kanato alang sa kapungot, kondili aron sa pagkab-ot sa kaluwasan pinaagi sa atong Ginoong Jesu-Cristo

1 Pedro 1:21

Pinaagi kaniya kamo nagsalig sa Dios nga nagbanhaw kaniya gikan sa mga patay ug mihatag kaniya ug himaya, aron nga ang inyong pagtuo ug paglaom maanaa sa Dios.

1 Pedro 1:5

nga mga gibantayan sa gahom sa Dios pinaagi sa pagtuo alang sa kaluwasan nga andam aron ipadayag unya sa kataposang panahon.

1 Juan 3:14

Kita nasayod nga kita nakalabang na gikan sa kamatayon ngadto sa kinabuhi, tungod kay kita nahigugma man sa mga igsoon. Siya nga wala mahigugma nagpabilin diha sa kamatayon.

1 Juan 5:1

Ang tanan nga nagtuo nga si Jesus mao ang Cristo gipakatawo gikan sa Dios ug ang tanan nga nahigugma sa nagpakatawo nahigugma usab sa gipakatawo.