Juan 5:15

Ang Biblia 2011

Ug ang tawo milakaw ug gisuginlan niya ang mga Judio nga ang nag-ayo kaniya mao si Jesus.

Cross References

Marcos 1:45

Apan milakaw siya ug misugod sa pagpanugilon nga walay lipodlipod mahitungod niini ug sa pagsabwag sa balita, nga tungod niana si Jesus dili na makahimo sa dayag nga pagsulod ug lungsod, kondili didto na lamang siya sa mga dapit nga awaaw. Ug ang mga tawo nangadto kaniya gikan sa tanang dapit.

Juan 1:19

Ug mao kini ang pamatuod ni Juan sa diha nga gipadala ngadto kaniya sa mga Judio ang mga pari ug mga Levihanon gikan sa Jerusalem aron sa pagpangutana kaniya, “Kinsa man ikaw?”

Juan 4:29

“Dali kamo, tan-awa ninyo ang usa ka tawo nga misulti kanako sa tanan nakong nabuhat. Dili ba kaha kini mao ang Cristo?”

Juan 5:10

Tungod niana ang mga Judio miingon sa tawo nga naayo, “Adlaw karon nga igpapahulay ug dili uyon sa balaod ang pagdaladala nimo sa imong higdaanan.”

Juan 5:12

Ug sila nangutana kaniya, “Kinsa bang tawhana ang nag-ingon kanimo, ‘Dad-a ang imong higdaanan ug lakaw’?”

Juan 5:16

Ug mao kini ang hinungdan ngano nga si Jesus gilutos sa mga Judio kay kini gibuhat man niya sa adlaw nga igpapahulay.

Juan 5:18

Ug mao kini ang hinungdan ngano nga misamot pa ang tinguha sa mga Judio sa pagpatay kaniya, dili lamang tungod kay gilapas niya ang adlaw nga igpapahulay, kondili tungod usab kay ang Dios iya mang gitawag nga iyang Amahan, ug tungod niini iyang gihimong tupong sa Dios ang iyang kaugalingon.

Juan 9:15

Ang mga Pariseo nangutana kaniya pag-usab kon giunsa niya sa pagkakita. Ug siya miingon kanila, “Gibutangan niya ug lapok ang akong mga mata ug ako nanghilam-os ug unya nakakita na ako.”

Juan 9:25

Siya mitubag nga nag-ingon, “Ako wala mahibalo kon siya makasasala ba. Usa ka butang ang akong nahibaloan, kaniadto ako buta apan karon makakita na.”

Juan 9:30

Ang tawo mitubag nga nag-ingon, “Kahibulongan gayod kaayo kini! Wala kamo masayod kon diin siya gikan, apan gipabuka niya ang akong mga mata.

Juan 9:34

Mitubag sila kaniya nga nag-ingon, “Sa tumang kasal-anan ikaw natawo ug unya mangahas ikaw sa pagtudlo kanamo?” Ug gihinginlan nila siya.