Juan 5:14

Ang Biblia 2011

Human niini, nakit-an siya ni Jesus sulod sa Templo ug si Jesus miingon kaniya, “Tan-awa, maayo na ikaw! Ayaw na pagpakasala aron dili mahitabo kanimo ang labi pang ngil-ad.”

Cross References

2 Cronicas 28:22

Sa panahon sa iyang kalisod, misamot pa hinuon ang iyang pagkawalay pagtuo sa Ginoo, kining maong Hari Ahas.

Nehemias 9:28

Apan human sila makapahulay naghimo na usab sila ug daotan sa imong atubangan, ug imo silang gibiyaan sa kamot sa ilang mga kaaway, mao nga sila nagdumala kanila apan sa dihang mibalik sila ug mituaw nganha kanimo, namati ikaw gikan sa langit ug sa makadaghan ikaw nagluwas kanila sumala sa imong mga kaluoy.

Salmo 118:18

Gipanton ako sa Ginoo sa hilabihan gayod, apan wala ako niya itugyan ngadto sa kamatayon.

Salmo 18:22

Kay ang tanan niyang mga tulumanon anaa sa akong atubangan, ug wala nako isalikway ang iyang mga lagda gikan kanako.

Salmo 27:6

Karon bayawon ang akong ulo ibabaw sa akong mga kaaway nga naglibot kanako, ug diha sa iyang tolda maghalad ako ug mga halad uban ang kalipay; mag-awit ako ug maghimo ug huni ngadto sa Ginoo.

Salmo 9:13

Kaluy-i ako, O Ginoo! Tan-awa ang akong kalisdanan gikan kanila nga nagdumot kanako, O ikaw nga nagtuboy kanako gikan sa mga ganghaan sa kamatayon,

Isaias 38:20

Ang Ginoo moluwas kanako. ug kami mag-awit inubanan sa mga tulunggon nga may kuwerdas sa tanan nga mga adlaw sa among kinabuhi diha sa balay sa Ginoo.

Isaias 38:22

Si Hesekias miingon usab, “Unsa bay ilhanan nga ako mosaka ngadto sa balay sa Ginoo?”

Levitico 13:20

ug ang pari mohiling niini. Ug kon makita nga kini lalom kay sa iyang panit ug ang iyang balhibo miputi, ang pari magpahibalo nga hugaw ang maong tawo, kini mao ang sakit nga sanla nga naggikan sa hubag.

Levitico 26:27

“Kon niining tanan dili pa kamo mamati kanako, hinuon maglakaw kamo batok kanako,

Levitico 7:12

Kon siya maghalad niini ingon nga halad sa pasalamat uban sa inihaw nga halad sa pasalamat, maghalad siya ug mga pan nga walay patubo nga sinagolan ug lana ug mga pan nga nipis nga walay patubo nga gihidhiran ug lana ug mga torta sa pinong harina nga sinagolan ug lana.

Mateo 12:45

Unya molakaw siya ug magkuha ug laing pito ka espiritu nga labaw pa ka daotan kay kaniya ug sila mosulod ug mopuyo niini. Ug ang ulahing kahimtang niadtong tawhana labaw pa ka ngil-ad kay sa sinugdan. Busa mao usab kana ang mahitabo niining daotan nga kaliwatan.”

Marcos 2:5

Sa pagkakita ni Jesus sa ilang pagsalig, siya miingon sa paralitiko, “Anak, ang imong mga sala gipasaylo na.”

Juan 5:13

Apan ang tawo nga giayo wala mahibalo kon kinsa kadto kay si Jesus mibiya na man kay diha may panon sa katawhan niadtong dapita.

Juan 5:5

Ug didtoy usa ka tawo nga nasakit sulod na sa 38 ka tuig.

Juan 8:11

Siya mitubag, “Wala, Ginoo.” Ug si Jesus miingon kaniya, “Dili usab ako maghukom kanimo. Lakaw ug ayaw na pagpakasala.”]

1 Pedro 4:3

Kay igo na kadtong nangaging panahon sa pagbuhat sumala sa kabubut-on sa mga Gentil, sa paggawi diha sa pagpatuyang, sa kaulag, sa paghuboghubog, sa mapatuyangong paghudyaka, sa walay hunong nga pag-inom ug dulumtanan nga pagsimba ug mga diosdios.