Juan 5:10

Ang Biblia 2011

Tungod niana ang mga Judio miingon sa tawo nga naayo, “Adlaw karon nga igpapahulay ug dili uyon sa balaod ang pagdaladala nimo sa imong higdaanan.”

Cross References

Isaias 58:13

“Kon ilikay nimo ang imong tiil gikan sa adlaw nga igpapahulay, gikan sa pagbuhat sa imong kalipay sa akong adlaw nga balaan, ug magtawag sa adlaw nga igpapahulay nga usa ka kahimut-an, ug ang balaan nga adlaw sa Ginoo nga halangdon; kon pasidunggan nimo kini, dili magsubay sa imong mga pamaagi o mangita sa imong kaugalingon nga kalipay, o magsulti sa kaugalingon mong mga pulong,

Jeremias 17:21

Mao kini ang giingon sa Ginoo: Pagmatngon kamo tungod ug alang sa inyong kinabuhi ug ayaw pagpas-an sa bisan unsa nga palas-anon panahon sa adlaw nga igpapahulay, o magdala niini sulod sa mga ganghaan sa Jerusalem.

Jeremias 17:27

Apan kon kamo dili mamati kanako sa pagbalaan sa adlaw nga igpapahulay, ug magdala sa bisan unsang palas-anon ug mosulod sa mga ganghaan sa Jerusalem panahon sa adlaw nga igpapahulay, magpadilaab ako ug kalayo sa mga ganghaan niini ug kini maglamoy sa mga palasyo sa Jerusalem ug dili kini mapalong.’ ”

Mateo 12:10

Unya, didtoy usa ka tawo nga may kamot nga mikuyos. Ug aron may ikasumbong sila batok kang Jesus, nangutana sila kaniya, “Uyon ba sa Balaod ang pagpang-ayo ug mga sakit panahon sa adlaw nga igpapahulay?”

Marcos 2:24

Ang mga Pariseo miingon kaniya, “Tan-awa, nganong naghimo man sila sa gidili panahon sa adlaw nga igpapahulay?”

Marcos 3:4

Unya siya miingon kanila, “Uyon ba sa balaod ang pagbuhat ug maayo o ang pagbuhat ug makadaot panahon sa adlaw nga igpapahulay, ang pagluwas ug kinabuhi o ang pagpatay?” Apan naghilom sila.

Lucas 13:14

Apan ang pangulo sa sinagoga, nga nasuko tungod kay si Jesus nag-ayo ug masakiton sa adlaw nga igpapahulay, miingon sa mga tawo, “Adunay unom ka adlaw diin ang buhat kinahanglang buhaton. Anhi kamo niining mga adlawa ug magpaayo ug dili sa adlaw nga igpapahulay.”

Lucas 23:56

Unya mipauli sila ug nag-andam ug mga pahumot ug mga haplas. Sa adlaw nga igpapahulay, mipahulay sila sumala sa kasugoan.

Lucas 6:2

Apan ang pipila sa mga Pariseo miingon, “Nganong nagbuhat man kamo sa unsay supak sa Balaod panahon sa adlaw nga igpapahulay?”

Juan 1:19

Ug mao kini ang pamatuod ni Juan sa diha nga gipadala ngadto kaniya sa mga Judio ang mga pari ug mga Levihanon gikan sa Jerusalem aron sa pagpangutana kaniya, “Kinsa man ikaw?”

Juan 5:11

Apan siya mitubag kanila, “Ang tawo nga nag-ayo kanako miingon kanako, ‘Dad-a ang imong higdaanan ug lakaw.’ ”

Juan 5:15

Ug ang tawo milakaw ug gisuginlan niya ang mga Judio nga ang nag-ayo kaniya mao si Jesus.

Juan 5:16

Ug mao kini ang hinungdan ngano nga si Jesus gilutos sa mga Judio kay kini gibuhat man niya sa adlaw nga igpapahulay.

Juan 7:23

Kon ang usa ka tawo tulion man sa adlaw nga igpapahulay aron ang Balaod ni Moises dili malapas, masuko ba diay kamo kanako tungod kay sa adlaw nga igpapahulay giayo nako ang tibuok lawas sa usa ka tawo?

Juan 9:16

Pipila sa mga Pariseo miingon, “Kining tawhana dili gikan sa Dios kay wala siya magtamod sa adlaw nga igpapahulay.” Apan ang uban miingon, “Unsaon man sa usa ka tawong makasasala ang paghimo ug mga milagro nga sama niini?” Ug may panagsumpaki diha kanila.