Juan 4:42

Ang Biblia 2011

Unya miingon sila sa babaye, “Dili na tungod sa imong mga pulong nga kami mituo, kay kami na gayod mao ang nakadungog kaniya ug among naila nga siya, sa pagkatinuod, mao ang Manluluwas sa kalibotan.”

Cross References

Isaias 45:22

“Dangop kanako, ug mangaluwas kamo, tanang kinatumyan sa yuta! Kay ako mao ang Dios, ug wala nay lain.

Isaias 52:10

Gihukasan sa Ginoo ang iyang balaan nga bukton diha sa mga mata sa tanang kanasoran, ug ang tanang kinatumyan sa yuta nakakita na sa kaluwasan sa atong Dios.

Mateo 1:21

Manganak siya ug usa ka batang lalaki, ug siya imong nganlan ug Jesus, kay siya mao ang moluwas sa iyang katawhan gikan sa ilang mga sala.”

Lucas 2:32

usa ka kahayag alang sa pagpadayag ngadto sa mga Gentil ug sa himaya alang sa imong katawhan, ang Israel.”

Juan 1:29

Sa pagkasunod nga adlaw iyang nakita si Jesus nga nagpaingon kaniya ug siya miingon, “Tan-awa, ang Nating Karnero sa Dios, ang nagkuha sa sala sa kalibotan!

Juan 11:17

Unya sa pag-abot ni Jesus, iyang nasuta nga si Lazaro upat na ka adlaw didto sa lubnganan.

Juan 17:8

kay gihatag man nako kanila ang mga pulong nga imong gihatag kanako, ug gidawat nila kini ug nahibalo sila diha sa kamatuoran nga ako gikan kanimo ug sila nagtuo nga ikaw ang nagpadala kanako.

Juan 4:29

“Dali kamo, tan-awa ninyo ang usa ka tawo nga misulti kanako sa tanan nakong nabuhat. Dili ba kaha kini mao ang Cristo?”

Juan 4:41

Ug daghan pa gayod ang nanuo kaniya tungod sa iyang pulong.

Mga Buhat 13:23

Gikan sa kaliwat niining tawhana, ang Dios nagdala ngadto sa Israel ug Manluluwas nga mao si Jesus, sumala sa iyang gisaad.

Mga Buhat 4:12

Ug walay kaluwasan diha kang bisan kinsa pa kay walay laing ngalan ubos sa langit nga gihatag ngadto sa mga tawo, nga pinaagi niini kita kinahanglang maluwas.”

Mga Buhat 5:31

Ang Dios nagtuboy kaniya ngadto sa iyang tuo ingon nga Pangulo ug Manluluwas, aron sa paghatag ug paghinulsol ngadto sa Israel ug kapasayloan sa mga sala.

2 Mga Taga-Corinto 5:19

ingon nga ang Dios diha kang Cristo nagpasig-uli sa kalibotan ngadto sa iyang kaugalingon sa walay pag-isip batok kanila sa ilang kalapasan. Ug siya nagpiyal kanamo sa mensahe sa pagpasig-uli.

1 Timoteo 4:10

Kay tungod niini kita naghago ug nanglimbasog, kay ato mang gipahimutang ang atong paglaom diha sa buhing Dios, nga mao ang Manluluwas sa tanang tawo, ilabina gayod sa mga nagtuo.

1 Juan 2:2

Ug siya mao ang halad sa pasig-uli alang sa atong mga sala ug dili lamang sa atong mga sala kondili sa mga sala usab sa tibuok kalibotan.

1 Juan 4:14

Ug kita nakakita ug nagpamatuod nga ang Amahan nagpadala sa iyang Anak, ingon nga Manluluwas sa kalibotan.

1 Juan 5:20

Ug kita nasayod nga ang Anak sa Dios mianhi ug mihatag kanato ug salabotan aron kita makaila kaniya nga mao ang matuod ug kita anaa kaniya nga mao ang matuod, diha sa iyang Anak nga si Jesu-Cristo. Kini mao ang matuod nga Dios ug kinabuhi nga dayon.