Juan 4:40

Ang Biblia 2011

Busa sa pag-abot sa mga Samarianhon ngadto kaniya, mihangyo sila kaniya sa pagpabilin uban kanila. Busa nagpabilin siya didto sulod sa duha ka adlaw.

Cross References

Genesis 32:26

Ug siya miingon, “Buhii ako kay banagbanag na.” Apan mitubag kaniya si Jacob, “Dili ko ikaw buhian hangtod nga panalanginan nimo ako.”

Mga Panultihon 4:13

Hupti gayod ang pahimangno, ayaw siya buhii; bantayi siya kay siya mao ang imong kinabuhi.

Awit sa mga Awit 3:4

Dili pa dugay nga ako milabay kanila, sa diha nga nakaplagan nako siya nga gihigugma sa akong kalag. Gipugngan nako siya, ug wala nako siya palakta hangtod nga nadala nako siya sa balay sa akong inahan, ug ngadto sa lawak niya nga nagsamkon kanako.

Jeremias 14:8

O ikaw nga paglaom sa Israel, ang manluluwas niini panahon sa kasamok, ngano nga nahisama man ikaw sa usa ka dumuduong sa yuta, sama sa usa ka magpapanaw nga magpalabay lamang sa kagabhion?

Lucas 10:39

Ug siya may igsoong babaye nga ginganlan ug Maria nga milingkod usab sa tiilan sa Ginoo ug namati sa iyang gitudlo.

Lucas 24:29

apan gihawiran siya nila nga nag-ingon, “Pabilin uban kanamo, kay hapit na ang gabii ug tapos na ang adlaw.” Busa siya misulod ug mipabilin uban kanila.

Lucas 8:38

Ug ang tawo nga gigulaan sa mga demonyo mihangyo nga unta mokuyog siya kang Jesus apan gipalakaw hinuon siya niya nga nag-ingon,

Juan 4:39

Daghan sa mga Samarianhon nga gikan sa maong lungsod ang mituo kaniya tungod sa gipamulong sa babaye nga nagpamatuod, “Siya mitug-an kanako sa tanan nakong nabuhat.”

Juan 4:41

Ug daghan pa gayod ang nanuo kaniya tungod sa iyang pulong.

Juan 4:43

Human sa maong duha ka adlaw siya mipadayon ngadto sa Galilea.

Mga Buhat 16:15

Ug sa nabautismohan na siya kauban sa iyang panimalay, mihangyo siya kanamo nga nag-ingon, “Kon inyo akong gihukman nga matinud-anon sa Ginoo, adto kamo abot sa akong balay.” Ug siya namugos kanamo.

Mga Buhat 8:8

Busa dihay dakong kalipay niadtong siyudara.

Gipadayag 3:20

Tan-awa, nagtindog ako sa pultahan ug nagtuktok, kon may magpatalinghog sa akong tingog ug moabli sa pultahan, kaniya mosulod ako ug makigsalo ako uban kaniya, ug siya uban kanako.