Juan 4:25

Ang Biblia 2011

Ang babaye miingon kaniya, “Ako nasayod nga ang Mesias taliabot (siya nga gitawag ug Cristo). Sa pag-abot na unya niya, isaysay niya kanato ang tanang mga butang.”

Cross References

Mateo 1:16

ug si Jacob ang amahan ni Jose nga bana ni Maria nga mao ang nanganak kang Jesus nga gitawag ug Cristo.

Mateo 27:17

Busa, sa nagkatigom na ang katawhan, si Pilato miingon kanila, “Kinsa may buot ninyo nga akong buhian alang kaninyo, si Barabas ba o si Jesus nga gitawag ug Cristo?”

Mateo 27:22

Si Pilato miingon kanila, “Unya unsaon man nako kini si Jesus nga gitawag ug Cristo?” Silang tanan miingon, “Ilansang siya sa krus!”

Lucas 2:11

kay alang kaninyo natawo karong adlawa sa lungsod ni David ang Manluluwas nga mao ang Cristo nga Ginoo.

Juan 1:49

Ug si Natanael mitubag kaniya, “Rabi, ikaw mao ang Anak sa Dios! Ikaw mao ang Hari sa Israel!”

Juan 4:29

“Dali kamo, tan-awa ninyo ang usa ka tawo nga misulti kanako sa tanan nakong nabuhat. Dili ba kaha kini mao ang Cristo?”

Juan 4:39

Daghan sa mga Samarianhon nga gikan sa maong lungsod ang mituo kaniya tungod sa gipamulong sa babaye nga nagpamatuod, “Siya mitug-an kanako sa tanan nakong nabuhat.”

Juan 4:42

Unya miingon sila sa babaye, “Dili na tungod sa imong mga pulong nga kami mituo, kay kami na gayod mao ang nakadungog kaniya ug among naila nga siya, sa pagkatinuod, mao ang Manluluwas sa kalibotan.”