Juan 4:22

Ang Biblia 2011

Kamo nagsimba sa wala ninyo mailhi, kami nagsimba sa among nailhan, kay ang kaluwasan gikan man sa mga Judio.

Cross References

Genesis 49:10

Ang sitro dili mobiya gikan kang Juda, o ang baston sa tigmando gikan sa taliwala sa iyang mga tiil, hangtod nga siya nga tag-iya niini moabot ug maiya ang pagkamasinugtanon sa mga katawhan.

Esdras 4:2

sila miduol kang Zerubabel ug sa mga pangulo sa mga panimalay sa mga katigulangan ug miingon kanila, “Patabanga kami sa pagtukod uban kaninyo, kay kami nagsimba sa inyong Dios, sama sa inyong gibuhat ug kami naghalad kaniya sukad pa sa mga adlaw ni Esar-hadon nga hari sa Asiria nga maoy nagdala kanamo dinhi.”

Salmo 147:19

Gipahayag niya ang iyang pulong ngadto kang Jacob, ang iyang mga lagda ug ang mga tulumanon ngadto kang Israel.

Salmo 68:20

Ang atong Dios usa ka Dios sa kaluwasan, ug ngadto sa Dios nga Ginoo, iya ang kagawasan gikan sa kamatayon.

Isaias 12:2

“Sa pagkatinuod ang Dios mao ang akong kaluwasan; ako mosalig, ug dili mahadlok kay ang Ginoong Dios mao ang akong kusog ug ang akong awit, ug siya nahimo nga akong kaluwasan.”

Isaias 12:6

Singgit ug pag-awit sa kalipay, O ikaw nga nagpuyo sa Zion, kay dako ang Balaan sa Israel diha sa imong taliwala.”

Isaias 2:3

Daghang mga katawhan ang mangadto ug mag-ingon, “Dali kamo, mangadto kita sa bukid sa Ginoo, ngadto sa balay sa Dios ni Jacob, aron tudloan niya kita sa iyang mga dalan, ug manglakaw kita sa iyang mga agianan.” Kay gikan sa Zion mogula ang balaod ug ang pulong sa Ginoo gikan sa Jerusalem.

Isaias 46:13

Gidala nako sa duol ang akong pagluwas, kini dili malayo, ug ang akong pagluwas dili maglangan; ako magpahiluna ug kaluwasan diha sa Zion alang sa Israel nga akong himaya.”

Zacarias 9:9

Paglipay sa hilabihan, O anak nga babaye sa Zion! Singgit ug kusog, O anak nga babaye sa Jerusalem! Tan-awa, ang imong hari mianhi kanimo, malamposon ug madaogon siya, mapaubsanon ug nagsakay sa asno, sa usa ka nati nga asno.

Lucas 24:47

ug nga sa iyang ngalan, ang paghinulsol ug pagpasaylo sa mga sala kinahanglang iwali ngadto sa tanang kanasoran, sugod sa Jerusalem.

Mga Buhat 17:23

Kay sa dihang miagi ako ug naniid sa inyong mga gisimba, nakita usab nako ang usa ka halaran nga gisulatan niini, ‘Alang sa dios nga wala mailhi.’ Kining inyong gisimba nga wala ninyo mailhi, mao ang akong gisangyaw kaninyo.

Mga Buhat 17:30

Ang Dios wala manumbaling sa mga panahon sa pagkawalay alamag, apan karon nagsugo sa tanang mga tawo sa tanang dapit sa paghinulsol,

Mga Buhat 3:26

Ang Ginoo nga nagtuboy sa iyang alagad, nagpadala kaniya pag-una nganha kaninyo aron sa pagpanalangin pinaagi sa pagpabiya sa matag usa kaninyo gikan sa inyong pagkadaotan.”

Roma 11:18

ayaw pagpagarbo ngadto sa mga sanga. Kon magpagarbo ka man gayod, hinumdomi nga dili ikaw ang nagsangga sa gamot, kondili ang gamot mao ang nagsangga kanimo.

Mga Hebreo 7:14

Kay tin-aw man kaayo nga ang atong Ginoo natawo gikan kang Juda ug mahitungod niining banaya si Moises wala maghisgot ug pagkapari.