Juan 4:20

Ang Biblia 2011

Ang among mga katigulangan nagsimba dinhi niining bukira. Apan kamo nag-ingon nga didto sa Jerusalem atua ang dapit diin ang mga tawo kinahanglang magsimba.”

Cross References

1 Mga Hari 9:3

Ang Ginoo miingon kaniya, “Gidungog nako ang imong pag-ampo ug ang imong pangamuyo nga imong gihimo sa akong atubangan, gibalaan na nako kining maong balay nga imong gitukod ug gibutang didto ang akong ngalan hangtod sa kahangtoran. Ang akong mga mata ug ang akong kasingkasing atua didto kanunay.

1 Cronicas 21:26

Ug si David nagtukod didto ug usa ka halaran alang sa Ginoo, ug naghalad ug mga halad nga sunogon ug mga halad sa pakigdait ug nagtawag sa Ginoo. Ug ang Ginoo mitubag kaniya pinaagi sa kalayo gikan sa langit diha sa halaran sa halad nga sunogon.

1 Cronicas 22:1

Unya si David miingon, “Anhi dinhi ang balay sa Ginoo nga Dios ug ang halaran sa halad nga sunogon alang sa Israel.”

2 Cronicas 6:6

apan gipili nako ang Jerusalem aron ang akong ngalan maatua didto ug akong gipili si David aron magdumala sa akong katawhan nga Israel.’

2 Cronicas 7:12

Unya ang Ginoo mipakita kang Solomon sa pagkagabii ug miingon kaniya, “Nadungog nako ang imong pag-ampo, ug nagpili ako niining dapita alang sa akong kaugalingon ingon nga usa ka balay sa paghalad.

2 Cronicas 7:16

Kay karon akong gipili ug gibalaan kining balaya, aron ang akong ngalan maatua didto hangtod sa kahangtoran, ang akong mga mata ug ang akong kasingkasing maatua didto sa tanang panahon.

Salmo 132:13

Kay ang Ginoo nagpili sa Zion; iya kining gitinguha alang sa iyang puluy-anan:

Salmo 78:68

apan gipili niya ang banay ni Juda, ang bukid sa Zion nga iyang gihigugma.

Isaias 66:1

Mao kini ang giingon sa Ginoo: “Ang langit mao ang akong trono, ug ang yuta mao ang akong tumbanan; unsang balaya ang inyong tukoron alang kanako, ug unsang dapita ang akong pahulayan?

Lucas 9:53

Apan ang mga tawo wala modawat kaniya tungod kay nagpadulong man siya sa Jerusalem.

Juan 4:12

Labaw pa ba ikaw sa among ginikanan nga si Jacob nga maoy naghatag kanamo niining atabay, ug nga gikan niini miinom siya ug ang iyang mga anak ug ang iyang mga hayop?”

Deuteronomio 11:29

Ug sa diha nga ang Ginoo nga inyong Dios magdala kaninyo ngadto sa yuta nga inyong adtoan aron panag-iyahon, ibutang ang panalangin sa Bukid sa Gerisim ug ang tunglo sa Bukid sa Ebal.

Deuteronomio 27:12

“Kon makatabok na kamo sa Jordan, kini sila mobarog ibabaw sa bukid sa Gerisim aron sa pagpanalangin sa katawhan: si Simeon, si Levi, si Juda, si Isacar, si Jose ug si Benjamin.