Juan 4:15

Ang Biblia 2011

Ang babaye miingon kaniya, “Ginoo, hatagi ako nianang tubiga aron dili na ako uhawon o moanhi pa dinhi aron sa pagkalos.”

Cross References

Salmo 4:6

Daghan ang mga nag-ingon, “Makakita unta kami ug maayo! Ibanwag ang kahayag sa imong nawong ngari kanamo, O Ginoo!”

Juan 4:16

Si Jesus miingon kaniya, “Lakaw, tawga ang imong bana ug balik dinhi.”

Juan 6:26

Si Jesus mitubag kanila, “Sa pagkatinuod gayod, sultihan ko kamo nga kamo nangita kanako dili tungod kay nakakita kamo ug mga milagro, kondili tungod kay kamo nakakaon man ug nangabusog sa pan.

Juan 6:34

Ug sila miingon kaniya, “Ginoo, hatagi kami kanunay nianang maong pan.”

Juan 6:35

Si Jesus mitubag kanila, “Ako mao ang pan sa kinabuhi. Siya nga moari kanako dili gutomon, ug siya nga motuo kanako dili gayod uhawon.

Roma 6:23

Kay ang bayad sa sala mao ang kamatayon apan ang gasa gikan sa Dios mao ang kinabuhing dayon diha kang Cristo Jesus nga atong Ginoo.

Roma 8:5

Kay ang nagkinabuhi sumala sa unod naghunahuna kanunay sa mga butang sa unod, apan ang nagkinabuhi sumala sa Espiritu naghunahuna kanunay sa mga butang sa Espiritu.

1 Mga Taga-Corinto 2:14

Ang tawo nga kalibotanon dili modawat sa mga butang sa Espiritu sa Dios, kay alang kaniya kini mga binuang, ug siya dili makahimo pagsabot niini tungod kay kini matugkad lamang sa espirituhanon nga paagi.

Santiago 4:3

Nangayo kamo apan wala makadawat niini tungod kay sayop man ang inyong pagpangayo, aron lamang usik-usikan alang sa inyong mga pangibog.

1 Juan 5:20

Ug kita nasayod nga ang Anak sa Dios mianhi ug mihatag kanato ug salabotan aron kita makaila kaniya nga mao ang matuod ug kita anaa kaniya nga mao ang matuod, diha sa iyang Anak nga si Jesu-Cristo. Kini mao ang matuod nga Dios ug kinabuhi nga dayon.