Juan 3:6

Ang Biblia 2011

Ang gipakatawo sa unod, unod; ug ang gipakatawo sa Espiritu, espiritu.

Cross References

Genesis 5:3

Ug si Adan nagpanuigon ug 130 ka tuig sa dihang nahimo siyang amahan sa usa ka anak nga lalaki nga liwat kaniya, sumala sa iyang dagway, ug ginganlan niya siya ug Seth.

Genesis 6:12

Ug nakita sa Dios nga ang kalibotan nahimong daotan, nagkadunot kini kay ang tanang tawo daotan man sa ilang pamaagi diha sa kalibotan.

Genesis 6:5

Nakita sa Ginoo nga dako ang pagkadaotan sa tawo sa ibabaw sa yuta ug nga ang tanang anaa sa mga hunahuna sa iyang kasingkasing kanunay lamang nga daotan.

Job 14:4

Kinsa ang makadala ug usa ka hinlo nga butang gikan sa hugaw? Walay bisan usa.

Job 25:4

Unsaon man sa tawo sa pagkahimong matarong atubangan sa Dios? Unsaon man pagkahinlo niya nga natawo sa usa ka babaye?

Salmo 51:10

Buhata sa sulod nako ang hinlo nga kasingkasing, O Dios, ug bag-oha ug lig-ona ang espiritu sa sulod nako.

Juan 1:13

kanila nga nangatawo dili gikan sa dugo o gikan sa pagbuot sa unod o gikan sa pagbuot sa tawo, kondili gikan sa Dios.

Juan 3:7

Ayaw ikahibulong ang akong pag-ingon kanimo, ‘Kinahanglan nga ipakatawo kamo pag-usab.’

Roma 7:18

Kay nahibalo ako nga walay maayo nga nagpuyo sa sulod nako, nga sa ato pa, sulod sa akong unod. Ania kanako ang pagtinguha sa maayo, apan dili ako makabuhat niini.

Roma 7:25

Salamat sa Dios pinaagi kang Jesu-Cristo nga atong Ginoo! Busa pinaagi sa akong salabotan ako gayod nag-alagad sa balaod sa Dios apan diha sa akong lawas ako nag-alagad sa balaod sa sala.

Roma 7:5

Kay samtang diha pa kita sa unod, ang atong makasasala nga pangibog nga pinaagi sa Balaod naglihok sulod sa atong lawas aron mamunga ngadto sa kamatayon.

Roma 8:13

kay kon magkinabuhi kamo sumala sa unod mangamatay kamo, apan kon pinaagi sa Espiritu patyon ninyo ang mga binuhatan sa lawas, mangabuhi kamo.

1 Mga Taga-Corinto 6:17

Apan siya nga nahiusa ngadto sa Ginoo nahiusa diha sa espiritu.

2 Mga Taga-Corinto 5:17

Busa kon ang tawo anaa kang Cristo, siya bag-o na nga binuhat; ang daan nangagi na, tan-awa, ang bag-o nahiabot na.

Mga Taga-Galacia 5:24

Ug ang mga iya ni Cristo Jesus naglansang sa ilang unod diha sa krus uban ang mga pangibog ug mga tinguha niini.

Mga Taga-Efeso 2:3

Kauban nila, kitang tanan nagkinabuhi kaniadto diha sa mga pangibog sa atong unod, mga masinugtanon sa mga pangandoy sa unod ug sa hunahuna, ug busa sa kinaiya mga anak kita sa kaligutgot sama sa uban.

Mga Taga-Colosas 2:11

Diha kaniya usab kamo natuli sa pagtuli nga dili hinimo sa mga kamot, pinaagi sa paghukas sa unodnon nga lawas diha sa pagtuli nga pinaagi kang Cristo,

1 Juan 3:9

Ang matag usa nga gipanganak gikan sa Dios dili magpakasala, kay ang binhi sa Dios magpabilin man diha kaniya, ug siya dili makasala tungod kay siya gipanganak man gikan sa Dios.