Juan 3:35

Ang Biblia 2011

Gihigugma sa Amahan ang Anak ug ang tanang mga butang gitugyan niya ngadto sa iyang kamot.

Cross References

Genesis 41:44

Dugang pa ang Paraon miingon kang Jose, “Ako mao ang Paraon, walay tawo nga makaisa sa iyang kamot o sa iyang tiil sa tibuok nga yuta sa Ehipto kon walay pagtugot nimo.”

Genesis 41:55

Ug sa diha nga ang gutom gibati sa tibuok yuta sa Ehipto, ang katawhan mituaw ngadto sa Paraon alang sa pagkaon. Ug ang Paraon miingon ngadto sa tanan nga mga Ehiptohanon, “Pangadto kamo kang Jose ug buhata ninyo ang iyang isulti kaninyo.”

Salmo 2:8

Pangayo kanako, ug himoon nako ang kanasoran ingon nga imong panulundon, ug mapanag-iya nimo ang kinatumyang mga dapit sa yuta.

Mga Panultihon 8:30

didto ako tupad kaniya, sama sa usa ka batid nga magbubuhat; ug sa matag adlaw ako ang iyang kalipay, naglipay kanunay sa iyang atubangan,

Isaias 42:1

Tan-awa, ang akong sulugoon, nga akong gipataas, akong pinili, nga kaniya ang akong kalag nalipay; ako nagbutang sa akong Espiritu ibabaw kaniya, siya magdala ug hustisya sa mga kanasoran.

Daniel 7:14

Ug gihatag kaniya ang paggahom, ug himaya ug gingharian aron ang tanang mga katawhan, mga nasod, ug mga pinulongan mag-alagad kaniya; ang iyang paggahom walay kataposan, paggahom nga dili molabay, ug ang iyang gingharian dili mapukan.

Mateo 11:27

Ang tanang mga butang gitugyan kanako sa akong Amahan ug walay nakaila sa hingpit kinsa ang Anak gawas sa Amahan ug walay nakaila sa hingpit kinsa ang Amahan gawas sa Anak ug kang bisan kinsa nga buot sa Anak nga padaygan sa Amahan.

Mateo 17:5

Samtang nagsulti pa siya, dihay usa ka silaw nga panganod nga mitabon kanila ug gikan sa panganod dihay usa ka tingog nga nag-ingon, “Mao kini ang akong Anak nga pinalangga, diha kaniya nalipay ako, pamati kaniya.”

Mateo 28:18

Ug si Jesus miduol ug miingon kanila, “Ang tanang kagahom sa langit ug sa yuta gihatag kanako.

Mateo 3:17

Ug dihay usa ka tingog gikan sa langit nga nag-ingon, “Kini mao ang akong Anak nga pinalangga, kaniya nalipay ako pag-ayo.”

Lucas 10:22

Ang tanang mga butang gitugyan nganhi kanako sa akong Amahan ug walay nakaila kon si kinsa ang Anak gawas sa Amahan, o si kinsa ang Amahan gawas sa Anak ug ni bisan kinsa nga gipili sa Anak aron iyang padayagan.”

Juan 13:3

Ug si Jesus, nga nasayod nga ang tanang butang gikatugyan na sa Amahan nganha sa iyang mga kamot ug nga siya gikan sa Dios ug ngadto siya sa Dios mopadulong,

Juan 15:9

Sama nga nahigugma kanako ang Amahan, ako usab nahigugma kaninyo busa pabilin kamo diha sa akong gugma.

Juan 17:2

kay gihatagan man nimo siya ug kagahom ibabaw sa tanang katawhan aron sa paghatag ug kinabuhing dayon ngadto sa tanan nga imong gikatugyan kaniya.

Juan 17:23

ako anaa kanila ug ikaw ania kanako aron sila hingpit nga mausa, aron ang kalibotan moila nga ikaw nagpadala kanako ug nahigugma kanila ingon nga ikaw nahigugma kanako.

Juan 17:26

Ug ang imong ngalan akong gipaila kanila, ug kini ipaila nako kanila aron nga ang gugma nga imong gihigugma kanako maanaa kanila ug ako maanaa kanila.”

Juan 5:20

Kay ang Amahan nahigugma sa Anak, ug iyang gipakita kaniya ang tanan niyang gibuhat ug labi pa ka dagkong mga buhat kay niini ang iyang ipakita kaniya aron kamo mahibulong.

Juan 5:22

Ang Amahan dili maghukom kang bisan kinsa apan ang tanang paghukom gitugyan niya ngadto sa Anak

1 Mga Taga-Corinto 15:27

Kay “gipailalom sa Dios ang tanang mga butang diha sa iyang mga tiil.” Apan sa pag-ingon nga, “Ang tanang mga butang gipailalom kaniya,” dayag nga dili lakip niini ang Dios nga mao ang nagpailalom sa tanang mga butang diha kaniya.

Mga Taga-Efeso 1:22

Ug ang Dios nagpahiluna sa tanang mga butang aron mahisakop ilalom sa iyang mga tiil, ug naghimo kaniya nga ulo ibabaw sa tanang mga butang alang sa iglesia

Mga Hebreo 1:2

Apan niining kaulahiang mga adlaw siya misulti kanato pinaagi sa Anak, nga iyang gitudlo nga manununod sa tanang mga butang, nga pinaagi kaniya usab gibuhat niya ang kalibotan.

1 Pedro 3:22

nga miadto sa langit ug karon anaa sa tuo sa Dios, ug kaniya nailalom ang mga anghel ug mga langitnong kagahom ug mga gahom.