Juan 3:3

Ang Biblia 2011

Si Jesus mitubag kaniya, “Sa pagkatinuod gayod, sultihan ko ikaw, gawas kon ang tawo ipakatawo pag-usab, dili siya makakita sa gingharian sa Dios.”

Cross References

Jeremias 5:21

“Pamatia kini, O mga buangbuang ug walay alamag nga katawhan, nga adunay mga mata apan dili makakita, nga adunay mga dalunggan apan dili makadungog.

Ezequiel 36:26

Hatagan ko kamo ug usa ka bag-o nga kasingkasing, ug ibutang nako sa sulod ninyo ang usa ka bag-ong espiritu. Kuhaon nako ang kasingkasing nga bato gikan sa inyong unod, ug hatagan kamo nako ug usa ka kasingkasing nga unod.

Mateo 16:17

Kaniya mitubag si Jesus nga nag-ingon, “Bulahan ikaw, Simon, anak ni Jonas! Kay dili unod ug dugo ang nagpadayag kanimo niini, kondili ang akong Amahan nga anaa sa langit.

Mateo 19:24

Ug sultihan ko pa gayod kamo, sayon pa sa kamilyo ang paglusot sa lungag sa dagom kay sa usa ka dato sa pagsulod sa gingharian sa Dios.”

Mateo 21:31

Hain man niining duha ang nagtuman sa kabubut-on sa iyang amahan?” Sila miingon, “Ang nauna.” Ug si Jesus miingon kanila, “Sa pagkatinuod, sultihan ko kamo, ang mga tigpaningil ug buhis ug ang mga babayeng nagbaligya sa dungog mosulod sa gingharian sa Dios una pa kay kaninyo.

Mateo 5:18

Kay sa pagkatinuod, sultihan ko kamo, hangtod nga mahanaw ang langit ug ang yuta, wala gayoy bisan usa na lang ka kudlit o usa ka tulbok nga sayloan diha sa Balaod hangtod nga ang tanan matuman.

Marcos 10:14

Apan sa pagkakita ni Jesus niini, nasuko siya ug miingon kanila, “Paduola kanako ang gagmayng kabataan, ug ayaw ninyo sila pugngi kay ang gingharian sa Dios ila sa mga sama kanila.

Marcos 9:47

Ug kon ang imong usa ka mata maoy makaingon sa imong pagpakasala, lugita kini kay maayo pa alang kanimo ang pagsulod sa gingharian sa Dios nga usa ang imong mata kay sa duha ang imong mata apan itambog ikaw ngadto sa imperno,

Juan 1:13

kanila nga nangatawo dili gikan sa dugo o gikan sa pagbuot sa unod o gikan sa pagbuot sa tawo, kondili gikan sa Dios.

Juan 1:5

Ug ang kahayag nagdan-ag diha sa kangitngit ug ang kangitngit wala makabuntog niini.

Juan 1:51

Ug siya miingon kaniya, “Sa pagkatinuod gayod, sultihan ko kamo nga makita ra unya ninyo ang langit nga maabli ug ang mga anghel sa Dios nga magsaka ug magkanaog ibabaw sa Anak sa Tawo.”

Juan 12:40

“Iyang gibutaan ang ilang mga mata ug gipagahi ang ilang kasingkasing, kay tingali unya ug makakita sila pinaagi sa ilang mga mata, ug makasabot pinaagi sa ilang kasingkasing, ug mamalik kanako aron ayohon nako sila.”

Juan 3:4

Ug si Nicodemo nangutana kaniya, “Unsaon man pagpakatawo sa usa ka tawo nga tigulang na? Makasulod pa ba siya pag-usab sa tagoangkan sa iyang inahan ug mahimugso?”

2 Mga Taga-Corinto 4:4

Diha kanila ang mga hunahuna sa mga dili magtutuo gibutaan sa dios niining panahona, aron dili sila makakita sa kahayag sa Maayong Balita sa himaya ni Cristo nga mao ang dagway sa Dios.

2 Mga Taga-Corinto 5:17

Busa kon ang tawo anaa kang Cristo, siya bag-o na nga binuhat; ang daan nangagi na, tan-awa, ang bag-o nahiabot na.

Mga Taga-Galacia 6:15

Kay dili ang pagkatinuli o ang pagkadili tinuli mao ang may bili, kondili ang pagkabag-ong binuhat.

Mga Taga-Efeso 2:1

Kaniadto kamo patay tungod sa inyong mga kalapasan ug mga kasal-anan.

Deuteronomio 29:4

Apan hangtod karong adlawa ang Ginoo wala maghatag kaninyo ug kasingkasing sa pagsabot o mga mata sa pagtan-aw o mga dalunggan sa pagpamati.

Tito 3:5

kita iyang giluwas, dili tungod sa mga binuhatan nga atong nahimo diha sa pagkamatarong, kondili tungod sa iyang kaluoy, pinaagi sa paghugas ngadto sa bag-ong pagkatawo ug sa pagbag-o pinaagi sa Espiritu Santo

Santiago 3:17

Apan ang kaalam nga gikan sa kahitas-an una sa tanan putli, unya makidaiton, malumo, mamati ug katarongan, puno sa kaluoy ug sa mga maayong bunga, walay pinalabi ug dili tigpakaaron-ingnon.

1 Pedro 1:3

Dalaygon ang Dios ug Amahan sa atong Ginoong Jesu-Cristo! Tungod sa dako niyang kaluoy, kita gipakatawo pag-usab ngadto sa usa ka buhing paglaom pinaagi sa pagkabanhaw ni Jesu-Cristo gikan sa mga patay,

1 Juan 2:29

Kon kamo nahibalo nga siya matarong, masayran usab ninyo nga ang tanang nagbuhat ug matarong gipanganak gikan kaniya.

1 Juan 3:9

Ang matag usa nga gipanganak gikan sa Dios dili magpakasala, kay ang binhi sa Dios magpabilin man diha kaniya, ug siya dili makasala tungod kay siya gipanganak man gikan sa Dios.

1 Juan 5:1

Ang tanan nga nagtuo nga si Jesus mao ang Cristo gipakatawo gikan sa Dios ug ang tanan nga nahigugma sa nagpakatawo nahigugma usab sa gipakatawo.

1 Juan 5:18

Kita nahibalo nga ang gipakatawo gikan sa Dios dili magpakasala, apan ang gipakatawo gikan sa Dios nagbantay kaniya, ug ang daotan dili makahilabot kaniya.

1 Juan 5:4

Kay ang tanan nga maggikan sa Dios magbuntog sa kalibotan ug ang pagdaog nga nagbuntog sa kalibotan mao kini, ang atong pagtuo.

Gipadayag 3:14

“Ug ngadto sa anghel sa iglesia sa Laodicea, isulat kini: ‘Mao kini ang mga pulong sa Amen, ang kasaligan ug tinuod nga saksi, ang sinugdanan sa mga binuhat sa Dios: