Juan 3:29

Ang Biblia 2011

Ang nakabaton sa pangasaw-onon mao ang pamanhonon. Ang higala sa pamanhonon nga nagtindog ug namati kaniya nalipay pag-ayo tungod sa tingog sa pamanhonon busa kining akong kalipay hingpit na karon.

Cross References

Awit sa mga Awit 3:11

Panggula kamo, O mga anak nga babaye sa Zion, ug tan-awa si Hari Solomon, uban ang purongpurong nga gipurongpurong kaniya sa iyang inahan sa adlaw sa iyang kasal, ug sa adlaw sa kalipay sa iyang kasingkasing.

Awit sa mga Awit 5:1

Mianhi ako sa akong tanaman, igsoon ko, akong pangasaw-onon, gitigom nako ang akong mira uban ang akong panakot, gikaon nako ang akong udlan uban ang sa akong dugos giinom nako ang akong bino uban ang akong gatas. Pangaon kamo, O mga higala, ug panginom; daghana pag-inom, O mga hinigugma.

Isaias 54:5

Kay ang imong Magbubuhat mao ang imong bana, si Yahweh sa mga panon mao ang iyang ngalan; ug ang Balaan sa Israel mao ang imong Manunubos, siya gitawag nga Dios sa tibuok nga yuta.

Isaias 66:11

aron kamo makasuso ug mabusog sa iyang makalipay nga mga dughan; aron kamo makainom pag-ayo uban sa kalipay gikan sa kadagaya sa iyang himaya.”

Jeremias 2:2

“Lakaw ug isangyaw diha sa pangdungog sa Jerusalem, Mao kini ang gisulti sa Ginoo: Ako nahinumdom sa pagkamatinud-anon sa imong pagkabatan-on, ang imong gugma ingon nga pangasaw-onon, giunsa nimo sa pagsunod kanako didto sa kamingawan, sa yuta nga wala matamni.

Ezequiel 16:8

“Sa diha nga miagi ako kanimo pag-usab ug mitan-aw kanimo, ug nakita nako nga ikaw anaa na sa panahon sa paghigugma, ug gibuklad nako ang akong bisti sa ibabaw nimo ug gitabonan ang imong pagkahubo. Oo, ako nanumpa kanimo ug naghimo ug usa ka kasabotan uban kanimo, nag-ingon ang Ginoong Dios, ug ikaw nahimo nga akoa.

Oseas 2:19

Ug pangasaw-on ko ikaw hangtod sa kahangtoran; pangasaw-on ko ikaw diha sa pagkamatarong, sa hustisya ug sa gugmang walay paglubad ug sa kaluoy.

Mateo 22:2

“Ang gingharian sa langit sama sa usa ka hari nga naghimo ug kombira sa kasal alang sa iyang anak nga lalaki.

Mateo 25:1

“Ang gingharian sa langit ikatandi sa napulo ka dalaga nga nagdala sa ilang mga lampara ug miadto aron sa pagsugat sa pamanhonon.

Mateo 9:15

Ug si Jesus miingon kanila, “Mahimo ba diayng magsubo ang mga dinapit sa kasal samtang ang nabana anaa pa uban kanila? Apan ang mga adlaw moabot nga ang nabana kuhaon na gikan kanila ug unya magpuasa na sila.

Lucas 15:6

Sa dihang moabot siya sa iyang balay, iyang dapiton ang iyang mga higala ug mga silingan nga mag-ingon kanila, ‘Paglipay kamo uban kanako, kay akong nakit-an ang akong karnero nga nawala.’

Juan 15:11

Kining mga butanga akong gisulti kaninyo aron ang akong kalipay magpabilin diha kaninyo ug ang inyong kalipay mahingpit.

Juan 16:24

Hangtod karon wala pa kamo mangayo pinaagi sa akong ngalan. Pangayo kamo ug makadawat kamo aron mahingpit ang inyong kalipay.

Juan 17:13

Apan karon moanha na ako kanimo, ug kining mga butanga gisulti nako dinhi sa kalibotan aron makabaton sila sa akong kalipay nga nahingpit diha kanila.

Juan 3:30

Siya kinahanglang mousbaw apan ako kinahanglang mokunhod.”

2 Mga Taga-Corinto 11:2

Kay ako mibati ug diosnong pagpangabubho alang kaninyo, kay kamo ako na man nga gikasaad nga maasawa ngadto sa usa ka bana aron mapaila nga putling ulay ngadto kang Cristo.

Mga Taga-Filipos 2:2

hingpita ninyo ang akong kalipay pinaagi sa samang hunahuna, ingon nga nagbaton ug samang gugma, nga anaa sa hingpit nga panagkauyon ug usa ka hunahuna.

1 Juan 1:4

Ug kini gisulat namo aron mahingpit ang among kalipay.

2 Juan 1:12

Bisan tuod ug daghan ako ug igsusulat kaninyo, dili na kini nako isulat pinaagi sa papel ug tinta apan gilaoman nako ang pag-anha diha sa pagpakigkita kaninyo ug sa pagpakigsulti kaninyo sa inatubangay aron mahingpit ang atong kalipay.

Gipadayag 21:9

Unya mitungha ang usa sa pito ka anghel nga may pito ka panaksan nga napuno sa kataposang pito ka katalagman, ug kanako misulti siya nga nag-ingon, “Duol ngari, akong ipakita kanimo ang Pangasaw-onon, ang asawa sa Nating Karnero.”