Juan 3:27

Ang Biblia 2011

Si Juan mitubag, “Walay tawo nga makadawat ug bisan unsa gawas sa ihatag kaniya gikan sa langit.

Cross References

Jeremias 1:5

“Sa wala pa nako ikaw buhata diha sa taguangkan nakaila na ako kanimo, ug sa wala pa ikaw mahimugso gigahin ko na ikaw; gipili ko ikaw nga propeta ngadto sa kanasoran.”

Jeremias 17:16

Wala ako modagan gikan sa akong pagpangalagad kanimo ingon nga tigbantay, o mangandoy sa adlaw sa kalisdanan; ikaw nahibalo: ang migula sa akong mga ngabil diha sa atubangan sa imong nawong.

Amos 7:15

ug gikuha ako sa Ginoo gikan sa pagsunod sa panon, ug ang Ginoo miingon kanako, ‘Lakaw, pagpropesiya ngadto sa akong katawhan nga Israel.’

Numeros 17:5

Ug ang sungkod niadtong tawo nga akong pilion manalingsing, ug sa ingon niini pahunongon nako ang mga pagbagulbol sa katawhan sa Israel, ang ilang gibagulbol batok kaninyo.”

Mateo 21:25

Ang pagpamautismo ni Juan, diin man kini gikan? Gikan sa langit o gikan sa mga tawo?” Ug gitimbangtimbang nila kini diha sa ilang kaugalingon nga nag-ingon, “Kon moingon kita, ‘Gikan sa langit,’ moingon siya kanato, ‘Nganong wala man lagi ninyo siya tuohi’?

Mateo 25:15

Ang usa gihatagan niya ug lima ka talanton, ang usa duha, ug ang usa, usa ka talanton, ang matag usa sumala sa iyang katakos. Unya milakaw siya.

Marcos 13:34

Sama kini sa usa ka tawo nga mobiya sa iyang balay aron mopanaw ug maghatag ug kagahom ngadto sa iyang mga ulipon, matag usa diha sa iyang kaugalingong buluhaton, ug magsugo sa bantay sa pultahan aron sa pagtukaw.

Juan 10:41

Daghan ang nangadto kaniya ug sila miingon, “Si Juan walay gihimong ilhanan apan tinuod ang tanang gisulti ni Juan mahitungod niining tawhana.”

Juan 6:65

Ug siya miingon, “Tungod niini giingnan ko kamo nga walay si bisan kinsa nga makaari kanako gawas kon itugot kini kaniya sa Amahan.”

Roma 1:5

Pinaagi kaniya nadawat nato ang grasya ug ang pagkaapostol alang sa pagkamasinugtanon diha sa pagtuo taliwala sa tanang kanasoran tungod ug alang sa iyang ngalan.

Roma 12:6

Ug kay nabatonan man nato ang espirituhanong mga hiyas nga nagkalainlain sumala sa grasya nga gihatag kanato, kinahanglan nga gamiton nato kini: kon pagpropesiya, sumala sa gidak-on sa pagtuo;

1 Mga Taga-Corinto 1:1

Si Pablo, gitawag nga apostol ni Cristo Jesus pinaagi sa kabubut-on sa Dios, ug si Sostenes nga atong igsoon,

1 Mga Taga-Corinto 12:11

Kining tanan naglihok pinaagi sa usa ug mao ra nga Espiritu nga nag-apod-apod niini ngadto sa matag usa sumala sa iyang kabubut-on.

1 Mga Taga-Corinto 15:10

Apan pinaagi sa grasya sa Dios ako mao ako karon, ug ang grasya niya alang kanako wala mapakyas. Apan, ako nakabuhat ug labaw pa kay kang bisan kinsa kanila, hinuon dili ako kondili ang grasya sa Dios nga ania uban kanako.

1 Mga Taga-Corinto 3:5

Busa unsa man diay si Apolos? Unsa man usab si Pablo? Sila mga alagad nga pinaagi kanila kamo mituo, ug ang matag usa sumala sa gihatag sa Ginoo.

1 Mga Taga-Corinto 4:7

Kay kinsa bay naghimo kanimo nga lahi? Ug unsa bay anaa kanimo nga wala nimo madawat? Ug kon ikaw nakadawat, nganong manghambog man ikaw nga daw wala makadawat?

Mga Taga-Galacia 1:1

Si Pablo, usa ka apostol, dili gikan sa mga tawo o pinaagi sa tawo, kondili pinaagi kang Jesu-Cristo ug sa Dios nga Amahan nga nagbanhaw kaniya gikan sa mga patay,

Mga Taga-Efeso 1:1

Si Pablo, apostol ni Cristo Jesus pinaagi sa kabubut-on sa Dios, Alang sa mga balaan nga anaa sa Efeso ug diha kang Cristo Jesus:

1 Timoteo 2:7

Alang niini ako gitudlo nga magwawali ug apostol (ako nagsulti sa tinuod, wala ako magbakak), magtutudlo sa mga Gentil diha sa pagtuo ug sa kamatuoran.

Santiago 1:17

Ang tanang maayong paghatag ug ang tanang hingpit nga gasa gikan sa kahitas-an, gikan sa Amahan sa mga kahayag, kinsa walay pagkausab o anino sa pagkabalhin.