Juan 3:26

Ang Biblia 2011

Ug sila miadto kang Juan ug miingon kaniya, “Rabi, kadtong tawo nga uban kanimo didto sa tabok sa Jordan, nga imong gipamatud-an, ania karon, siya namautismo, ug ang tanang tawo nanugok ngadto kaniya.”

Cross References

Salmo 65:2

O ikaw nga magpatalinghog sa pag-ampo! Nganha kanimo manuol ang tanang tawo.

Ecclesiastes 4:4

Unya nakita nako nga ang tanang paghago ug ang tanang kabatid diha sa buhat naggikan sa kasina sa tawo sa iyang isigkatawo. Kini kakawangan usab ug usa lamang ka paggukod sa hangin.

Isaias 45:23

Sa akong kaugalingon ako nanumpa, gikan sa akong baba migula diha sa pagkamatarong ang pulong nga dili na mabakwi. ‘Kanako ang tanang tuhod mapiko, ang tanang mga dila manumpa.’

Mateo 23:7

ug sa mga pagyukbo kanila diha sa mga merkado ug sa dihang tawgon silag, “Rabi,” sa mga tawo.

Mateo 23:8

Apan kamo, ayaw pagpatawag nga Rabi kay kamo adunay usa lamang ka magtutudlo ug kamong tanan magsoon.

Juan 1:15

Si Juan nagpamatuod mahitungod kaniya, ug misinggit nga nag-ingon, “Mao kini siya ang gihisgotan nako sa akong pag-ingon, ‘Siya nga moanhi sunod kanako labaw pa kay kanako kay siya una man kanako.’”

Juan 1:7

Siya mianhi ingon nga saksi aron sa pagpamatuod mahitungod sa kahayag, aron ang tanan motuo pinaagi kaniya.

Juan 1:9

Ang matuod nga kahayag nga nagdan-ag sa tanang tawo moanhi sa kalibotan.

Juan 11:48

Kon pasagdan nato siya niini, ang tanan motuo kaniya, ug unya ang mga Romanhon manganhi ug ilang laglagon ang atong balaang dapit ug ang atong nasod.”

Juan 12:19

Unya ang mga Pariseo nag-ingon sa usa ug usa, “Nakita ninyo nga wala na gayod kamoy mahimo! Tan-awa, ang tibuok kalibotan misunod na kaniya!”

Juan 3:2

Kini siya miadto kang Jesus sa gabii ug miingon kaniya, “Rabi, nasayod kami nga ikaw usa ka magtutudlo nga gikan sa Dios, kay wala gayoy makahimo niining mga milagro nga imong gihimo gawas lamang kon ang Dios anaa uban kaniya.”

Juan 4:1

Sa dihang nasayod si Jesus nga ang mga Pariseo nakadungog nga siya naghimo ug namautismo ug daghan pang mga tinun-an kay kang Juan,

Juan 4:2

bisan tuod ug si Jesus mismo wala mamautismo kondili ang iyang mga tinun-an lamang,

Juan 4:31

Sa maong higayon, miagda kaniya ang mga tinun-an nga nag-ingon, “Rabi, kaon na.”

Juan 5:33

Gipaadtoan ninyo si Juan, ug gipahayag niya ang matuod.