Juan 3:23

Ang Biblia 2011

Ug si Juan usab namautismo didto sa Aenon duol sa Salim kay daghan man ug tubig didto. Ug ang mga tawo nangadto ug gibautismohan sila.

Cross References

Genesis 33:18

Midangat si Jacob nga malinawon didto sa lungsod sa Sekem nga anaa sa yuta sa Canaan gikan sa Padan-aram ug nagkampo siya sa atubangan sa lungsod.

Jeremias 51:13

O ikaw nga nagpuyo sa daghang katubigan, dato sa mga bahandi, ang imong kataposan miabot na, ang tanod sa imong kinabuhi giputol.

Ezequiel 19:10

Ang imong inahan sama sa usa ka paras diha sa parasan, nga natanom sa daplin sa katubigan. magmabungahon ug puno sa mga sanga tungod sa daghang tubig.

Ezequiel 43:2

Ug didto, ang himaya sa Dios sa Israel miabot gikan sa silangan; ug ang tingog sa iyang pag-abot sama sa dahunog sa daghang katubigan, ug ang yuta misidlak sa iyang himaya.

Lucas 3:7

Busa si Juan miingon sa mga panon sa katawhan nga miadto aron sa pagpabautismo kaniya, “Kamong mga kaliwat sa mga bitin! Kinsay nagpasidaan kaninyo sa paglikay gikan sa kaligutgot nga umaabot?

Juan 3:22

Human niini si Jesus ug ang iyang mga tinun-an nangadto sa yuta sa Judea, ug didto nagpabilin siya uban kanila ug namautismo.

Juan 3:24

Kay niadtong tungora si Juan wala pa man mabanlod sa bilanggoan.

Gipadayag 1:15

ang iyang mga tiil sama sa bronsi nga gipasinawan nga daw gilunsay diha sa hudno; ug ang iyang tingog sama sa dahunog sa daghang katubigan.

Gipadayag 14:2

Ug nadungog nako ang usa ka tingog gikan sa langit sama sa dahunog sa daghang mga tubig ug sama sa dahunog sa kusog nga dalugdog. Ang tingog nga akong nadungog sama sa tingog sa mga tig-alpa nga nagtugtog sa ilang mga alpa.

Gipadayag 19:6

Unya nadungog nako ang daw tingog sa usa ka dakong panon, sama sa kagahob sa daghang mga tubig ug sama sa kagahob sa kusog nga mga pagdalugdog, nga nagsinggit, “Aleluya! Kay naghari ang Ginoo nga atong Dios nga Makagagahom sa Tanan.

1 Samuel 9:4

Milatas sila sa kabungtoran sa Efraim, ug sa yuta sa Salisa apan wala nila kini makit-i. Ug miadto sila sa yuta sa Saalim ug wala gihapon kini didto. Unya milatas sila sa yuta sa Benjamin apan wala gayod nila makit-i ang mga asno.