Juan 3:17

Ang Biblia 2011

Kay wala ipadala sa Dios ang iyang Anak nganhi sa kalibotan aron sa paghukom sa kalibotan kondili aron nga ang kalibotan maluwas pinaagi kaniya.

Cross References

Zacarias 9:9

Paglipay sa hilabihan, O anak nga babaye sa Zion! Singgit ug kusog, O anak nga babaye sa Jerusalem! Tan-awa, ang imong hari mianhi kanimo, malamposon ug madaogon siya, mapaubsanon ug nagsakay sa asno, sa usa ka nati nga asno.

Mateo 1:23

“Tan-awa, usa ka ulay magsabak ug manganak sa usa ka bata nga lalaki, ug ang iyang ngalan tawgon ug Emmanuel” (nga nagkahulogan: Ang Dios uban kanato).

Mateo 18:10

“Matngoni ninyo nga walay usa niining mga gagmay nga inyong tamayon kay sultihan ko kamo nga didto sa kalangitan ang ilang mga anghel kanunayng nagsud-ong sa nawong sa akong Amahan nga anaa sa langit.

Lucas 19:10

Kay ang Anak sa Tawo mianhi sa pagpangita ug pagluwas sa nawala.”

Lucas 9:56

Ug sila mipadayon ngadto sa laing balangay.

Juan 1:29

Sa pagkasunod nga adlaw iyang nakita si Jesus nga nagpaingon kaniya ug siya miingon, “Tan-awa, ang Nating Karnero sa Dios, ang nagkuha sa sala sa kalibotan!

Juan 10:36

moingon ba diay kamo kaniya nga gibalaan sa Amahan ug gipadala niya nganhi sa kalibotan, ‘Ikaw nagpasipala,’ tungod lang kay nag-ingon ako, ‘Anak ako sa Dios’?

Juan 11:42

Ako nahibalo nga ikaw mamati kanunay kanako, apan gisulti nako kini tungod sa panon sa katawhan nga nag-alirong, aron sila motuo nga ikaw mao ang nagpadala kanako.”

Juan 17:18

Ingon nga ikaw nagpadala kanako nganhi sa kalibotan, ako usab nagpadala kanila nganhi sa kalibotan.

Juan 17:21

aron silang tanan mausa ingon nga ikaw, Amahan, ania kanako ug ako anaa kanimo, aron sila usab maania kanato, aron ang kalibotan motuo nga ikaw nagpadala kanako.

Juan 17:23

ako anaa kanila ug ikaw ania kanako aron sila hingpit nga mausa, aron ang kalibotan moila nga ikaw nagpadala kanako ug nahigugma kanila ingon nga ikaw nahigugma kanako.

Juan 17:25

O Amahan nga matarong, ang kalibotan wala makaila kanimo apan ako nakaila kanimo ug kini sila nahibalo nga ikaw mao ang nagpadala kanako.

Juan 17:3

Ug mao kini ang kinabuhing dayon, nga sila nakaila kanimo nga mao lamang ang tinuod nga Dios ug kang Jesu-Cristo nga imong gipadala.

Juan 17:8

kay gihatag man nako kanila ang mga pulong nga imong gihatag kanako, ug gidawat nila kini ug nahibalo sila diha sa kamatuoran nga ako gikan kanimo ug sila nagtuo nga ikaw ang nagpadala kanako.

Juan 20:21

Unya si Jesus miingon kanila pag-usab, “Ang kalinaw mag-uban kaninyo. Ingon nga gipadala ako sa Amahan, ako usab magpadala kaninyo.”

Juan 3:34

Siya nga gipadala sa Dios nagsulti sa mga pulong sa Dios kay sa walay sukod gihatag sa Dios ang Espiritu.

Juan 5:36

Apan ako adunay pagpamatuod nga dako pa kay sa gihimo ni Juan kay ang buluhaton nga gipiyal kanako sa Amahan aron akong taposon, kining maong buluhaton nga akong gihimo, nagpamatuod mahitungod kanako nga ang Amahan nagpadala kanako.

Juan 5:38

Ug ang iyang pulong wala magpabilin diha kaninyo kay kamo wala man motuo kaniya nga iyang gipadala.

Juan 5:45

Ayaw kamo paghunahuna nga ako magsudya kaninyo atubangan sa Amahan. Ang magsudya kaninyo mao si Moises, siya nga maoy inyong gilaoman.

Juan 6:29

Si Jesus mitubag kanila, “Ang gipabuhat sa Dios mao kini, nga motuo kamo kaniya nga iyang gipadala.”

Juan 6:38

Kay ako nanaog gikan sa langit, dili sa pagbuhat sa akong kaugalingong kabubut-on, kondili sa kabubut-on sa nagpadala kanako.

Juan 6:40

Kay ang kabubut-on sa akong Amahan mao kini, nga ang matag usa nga makakita sa Anak ug motuo kaniya makabaton sa kinabuhing dayon ug banhawon nako siya sa kataposan nga adlaw.”

Juan 6:57

Ingon nga ang buhing Amahan nagpadala kanako ug ako buhi tungod sa Amahan, ang mokaon kanako mabuhi usab tungod kanako.

Juan 7:29

Ako nakaila kaniya kay ako gikan man kaniya ug siya ang nagpadala kanako.”

Juan 8:11

Siya mitubag, “Wala, Ginoo.” Ug si Jesus miingon kaniya, “Dili usab ako maghukom kanimo. Lakaw ug ayaw na pagpakasala.”]

Juan 8:42

Si Jesus mitubag kanila, “Kon ang Dios mao pa ang inyong Amahan, nahigugma unta kamo kanako kay ako gikan man sa Dios busa ania ako. Wala ako moanhi sa akong kaugalingong kabubut-on, kondili gipadala ako niya.

1 Juan 2:2

Ug siya mao ang halad sa pasig-uli alang sa atong mga sala ug dili lamang sa atong mga sala kondili sa mga sala usab sa tibuok kalibotan.

1 Juan 4:14

Ug kita nakakita ug nagpamatuod nga ang Amahan nagpadala sa iyang Anak, ingon nga Manluluwas sa kalibotan.