Juan 21:23

Ang Biblia 2011

Tungod niini nakatag ang taho diha sa mga kaigsoonan nga kining tinun-ana dili gayod mamatay. Apan si Jesus wala mag-ingon kaniya nga kadto siya dili mamatay, kondili, “Kana kon maoy akong pagbuot nga magpabilin siya hangtod sa akong pagbalik, unsa man kana alang kanimo?”

Cross References

Job 28:28

Ug siya miingon sa tawo, ‘Tan-awa, ang pagkahadlok sa Ginoo, kana kaalam; ug ang paglikay sa daotan pagpanabot.’ ”

Job 33:13

Ngano nga makiglalis man ikaw batok kaniya nga nag-ingon, ‘Wala siyay tubagon sa akong mga pulong’?

Daniel 4:35

Ang tanang nagpuyo sa yuta giisip nga walay bili, ug siya nagbuhat sumala sa iyang kabubut-on diha sa panon sa langit ug taliwala sa mga nagpuyo sa yuta; ug walay makapugong sa iyang kamot o makaingon kaniya, “Unsa ang imong gibuhat?”

Mateo 16:27

Kay ang Anak sa Tawo moanhi uban sa iyang mga anghel, diha sa himaya sa iyang Amahan, ug unya gantihan niya ang matag usa sumala sa iyang mga binuhatan.

Mga Buhat 1:15

Niadtong mga adlawa si Pedro mitindog taliwala sa kaigsoonan nga ang gidaghanon mga 120 ka tawo, ug siya miingon,

Mga Buhat 28:14

Didto nakatagbo kami ug mga kaigsoonan, ug ila kaming gidapit sa pagpabilin uban kanila sulod sa pito ka adlaw. Ug unya miabot kami sa Roma.

Mga Buhat 6:3

Busa, mga igsoon, pagpili kamo ug pito ka tawo diha kaninyo nga mga namatud-an, puno sa Espiritu ug sa kaalam nga atong tugyanan niining maong buluhaton.

1 Mga Taga-Corinto 11:26

Kay sa matag kaon ninyo niining pan ug matag inom ninyo niining kupa, gisangyaw ninyo ang kamatayon sa Ginoo hangtod sa iyang pag-anhi.

1 Mga Taga-Corinto 4:5

Busa ayaw pagpanghukom sa dili pa ang panahon, hangtod nga moabot ang Ginoo nga mao ang magdala ngadto sa kahayag sa mga butang nga karon natago diha sa kangitngit ug magpadayag sa mga katuyoan sa mga kasingkasing. Unya ang pagdayeg gikan sa Dios maangkon sa matag usa.

Deuteronomio 29:29

“Ang mga butang nga tinago iya sa Ginoo nga atong Dios apan ang mga butang nga gipadayag ato ug sa atong mga anak hangtod sa kahangtoran aron atong tumanon ang tanang mga pulong niini nga Balaod.

Santiago 5:7

Busa mga igsoon, pagpailob kamo hangtod sa pag-anhi sa Ginoo. Tan-awa, ang mag-uuma nagpaabot sa bililhong abot sa yuta. Siya nagpailob niini hangtod kini makadawat sa sayo ug sa ulahing ulan.

Gipadayag 2:25

kupti lamang ninyo pag-ayo ang anaa kaninyo, hangtod sa akong pag-anha.