Juan 21:22

Ang Biblia 2011

Si Jesus mitubag kaniya, “Kana kon maoy akong pagbuot nga magpabilin siya hangtod sa akong pagbalik, unsa man kana alang kanimo? Sunod kanako!”

Cross References

Mateo 16:24

Ug si Jesus miingon sa iyang mga tinun-an, “Kon adunay buot mosunod kanako, kinahanglang magdumili siya sa iyang kaugalingon ug magpas-an sa iyang krus, ug magsunod kanako.

Mateo 24:27

Kay sama nga ang kilat mokilab gikan sa sidlakan ug makita hangtod sa kasadpan, mao usab unya niana ang pag-abot sa Anak sa Tawo.

Mateo 24:3

Samtang naglingkod siya didto sa Bungtod sa mga Olibo, ang mga tinun-an miduol kaniya nga silasila ra ug miingon, “Tug-ani kami, kanus-a man kini mahitabo ug unsa man ang ilhanan sa imong pag-anhi ug sa pagkatapos sa kapanahonan?”

Mateo 24:44

Busa kamo usab kinahanglang mangandam kay ang Anak sa Tawo moabot sa takna nga wala ninyo dahoma.

Mateo 25:31

“Inig-abot unya sa Anak sa Tawo uban sa iyang himaya ug sa tanang mga anghel kuyog kaniya, siya molingkod diha sa iyang mahimayaong trono.

Mateo 8:22

Apan si Jesus miingon kaniya, “Sunod kanako ug pasagdi ang mga patay nga maoy maglubong sa ilang mga minatay.”

Marcos 9:1

Ug siya miingon kanila, “Sa pagkatinuod, sultihan ko kamo, nga adunay pipila dinhi nga nagbarog karon nga dili makatilaw ug kamatayon hangtod nga makita nila ang gingharian sa Dios nga moabot uban sa gahom.”

Juan 21:19

(Gisulti niya kini aron sa pagpaila sa kamatayon nga pinaagi niini pasidunggan ni Pedro ang Dios.) Ug human siya makasulti niini, siya miingon kaniya, “Sunod kanako.”

Juan 21:21

Sa pagkakita ni Pedro kaniya, siya miingon kang Jesus, “Ginoo, siya diay, maunsa man?”

1 Mga Taga-Corinto 11:26

Kay sa matag kaon ninyo niining pan ug matag inom ninyo niining kupa, gisangyaw ninyo ang kamatayon sa Ginoo hangtod sa iyang pag-anhi.

1 Mga Taga-Corinto 4:5

Busa ayaw pagpanghukom sa dili pa ang panahon, hangtod nga moabot ang Ginoo nga mao ang magdala ngadto sa kahayag sa mga butang nga karon natago diha sa kangitngit ug magpadayag sa mga katuyoan sa mga kasingkasing. Unya ang pagdayeg gikan sa Dios maangkon sa matag usa.

1 Mga Taga-Tesalonica 2:19

Kay unsa may among paglaom o kalipay o purongpurong sa pagpasigarbo sa atubangan sa atong Ginoong Jesus sa iya unyang pag-abot? Dili ba kamo man?

Santiago 5:7

Busa mga igsoon, pagpailob kamo hangtod sa pag-anhi sa Ginoo. Tan-awa, ang mag-uuma nagpaabot sa bililhong abot sa yuta. Siya nagpailob niini hangtod kini makadawat sa sayo ug sa ulahing ulan.

Santiago 5:8

Pagpailob usab kamo. Lig-ona ang inyong mga kasingkasing, kay nagkaduol na ang pag-anhi sa Ginoo.

Gipadayag 1:7

Tan-awa, siya moabot uban sa mga panganod; ug makita siya sa tanang mata, sa tanang miduslak kaniya; ug ang tanang kabanayan sa yuta magminatay tungod kaniya. Oo. Amen.

Gipadayag 2:25

kupti lamang ninyo pag-ayo ang anaa kaninyo, hangtod sa akong pag-anha.

Gipadayag 22:20

Ang nagpamatuod mahitungod niining mga butanga nag-ingon, “Sa pagkatinuod, ako moabot gayod sa dili madugay.” Amen. Dali na, Ginoong Jesus!

Gipadayag 22:7

Ug tan-awa, moabot ako sa dili madugay.” Bulahan ang magbantay sa mga pulong sa propesiya niining basahona.

Gipadayag 3:11

Moanha na ako sa dili madugay. Kupti pag-ayo ang anaa kanimo aron walay makailog sa imong purongpurong.