Juan 21:2

Ang Biblia 2011

Didto nagkauban sila si Simon Pedro, si Tomas nga ginganlan ug ang Kaluha, si Natanael nga taga-Cana sa Galilea, ang mga anak ni Zebedeo ug ang laing duha pa sa iyang mga tinun-an.

Cross References

Mateo 10:3

si Felipe ug si Bartolome, si Tomas ug si Mateo nga tigpaningil ug buhis, si Santiago nga anak ni Alfeo ug si Tadeo,

Marcos 1:19

Sa nagpadayon siya paglakaw sa unahan ug diyotay, nakita niya si Santiago nga anak ni Zebedeo ug si Juan nga igsoon ni Santiago nga nag-ayo sa mga pukot diha sa ilang sakayan.

Lucas 5:10

ug mao usab sila si Santiago ug Juan, mga anak ni Zebedeo, nga mga kauban ni Simon. Unya si Jesus miingon kang Simon, “Ayaw kahadlok, sukad karon managat na ikaw ug mga tawo.”

Juan 1:45

Unya gikahibalag ni Felipe si Natanael, ug giingnan siya, “Among gikahibalag siya nga gihisgotan sa gisulat ni Moises diha sa Balaod ug sa mga Propeta usab. Siya si Jesus nga Nazaretnon, ang anak ni Jose.”

Juan 11:16

Unya si Tomas nga ginganlan ug Kaluha, miingon sa iyang mga kauban nga tinun-an, “Mangadto usab kita aron mamatay kita uban kaniya.”

Juan 2:1

Sa ikatulong adlaw dihay kasal didto sa Cana sa Galilea ug didto ang inahan ni Jesus.

Juan 2:11

Mao kini ang una sa mga milagro ni Jesus. Kini nahitabo didto sa Cana sa Galilea, ug nagpadayag sa iyang himaya, ug ang iyang mga tinun-an mituo kaniya.

Juan 20:28

Ug si Tomas miingon kaniya, “Akong Ginoo ug akong Dios!”

Juan 4:46

Busa miadto na usab siya didto sa Cana sa Galilea diin gihimo niya nga bino ang tubig. Unya didto sa Capernaum, may usa ka pangulo nga ang anak nga lalaki nasakit.

Josue 19:28

sa Ebron, sa Rehob, sa Hamon, sa Kana, hangtod sa dakong Sidon.