Juan 21:18

Ang Biblia 2011

Sa pagkatinuod gayod, sultihan ko ikaw nga sa batan-on pa ikaw, ikaw ra ang magbakos sa imong kaugalingon ug ikaw molakaw bisan asa nga ikaw buot moadto. Apan inigkatigulang na nimo, tuy-oron nimo ang imong mga kamot ug lain ang magbakos kanimo ug magdala kanimo sa dapit nga dili nimo buot adtoan.”

Cross References

Lucas 12:37

Bulahan kadtong mga ulipon nga inig-abot sa agalon maabtan nga nagtukaw. Sa pagkatinuod, sultihan ko kamo nga magbakos siya sa iyang kaugalingon, ug iyang palingkoron sila sa kan-anan ug moduol siya ug moalagad kanila.

Juan 13:36

Si Simon Pedro miingon kaniya, “Ginoo, asa man ikaw moadto?” Si Jesus mitubag kaniya, “Kon asa ako moadto, dili pa ikaw makasunod kanako karon, apan makasunod ra unya ikaw.”

Juan 21:17

Ug siya miingon kaniya sa ikatulong higayon, “Simon, anak ni Juan, gihigugma ba nimo ako?” Ug gikasubo ni Pedro ang iyang pag-ingon kaniya sa ikatulong higayon, “Gihigugma ba nimo ako?” Ug siya miingon kaniya, “Ginoo, nasayod ikaw sa tanan, nasayod ikaw nga gihigugma ko ikaw.” Si Jesus miingon kaniya, “Pakan-a ang akong mga karnero.

Juan 21:19

(Gisulti niya kini aron sa pagpaila sa kamatayon nga pinaagi niini pasidunggan ni Pedro ang Dios.) Ug human siya makasulti niini, siya miingon kaniya, “Sunod kanako.”

Mga Buhat 21:11

Ug sa pagduol niya kanamo, iyang gikuha ang bakos ni Pablo ug gigapos ang iyang kaugalingong mga tiil ug mga kamot, ug miingon, “Mao kini ang giingon sa Espiritu Santo, ‘Sa ingon niini gaposon sa mga Judio sa Jerusalem ang tag-iya niining bakosa ug itugyan siya ngadto sa mga kamot sa mga Gentil.’ ”

2 Mga Taga-Corinto 5:4

Kay samtang ania pa kita niining maong tolda, kita nag-agulo sa kabug-at, dili tungod kay buot kita nga maghukas, kondili nga masul-oban pa, aron ang may kamatayon lamyon sa kinabuhi.